Charter Document - 02739386
| Charter Number: | 02739386 |
|---|---|
| Cartulary Title: | The Registrum Antiquissimum of the Cathedral Church of Lincoln |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1252 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Innocentius episcopus seruus seruorum dei dilectis filiis [] priori archidiacono et [] precentori Sancti Albani Linc[] dioecesis salutem et apostolicam benedictionem In causa que inter dilectos filios magistrum Reginaldum rectorem ecclesie de Paxton Linc[] dioecesis ex parte una et [] custodem et vicarios altaris beati Hugonis in maiori ecclesia Lincol[] super redditu annuo viginti marcarum argenti quem dicti custos et vicarii ex quadam ordinacione facta per bone memorie H episcopum Linc[] in ecclesia ipsa de Paxton se habere contendunt ex altera uertitur dilectum filium nostrum J tituli sancti Laurentii in Lucina presbiterum cardinalem dedimus auditorem verum quia lite in eius presentia legitime contestata per ea que fuerunt coram eo hinc inde preposita sibi de meritis eiusdem cause non potuit plene liquere et discrecioni uestre per apostolica scripta mandamus quatinus testes quos utraque pars super articulis uobis ab eodem cardinali cum interrogatoriis partium sub suo sigillo transmissis duxerit producendos infra duos menses a receptione presentium prudenter per uos uel per alios recipere ac iuxta eadem interrogatoria diligenter examinare curetis Et si forte aliqua partium testes aduerse partis reprobare uoluerit ad mittatis testes qui super reprobatione huiusmodi infra unum alium mensem illis proximum producti fuerint ac sollicite examinetis eosdem Postmodum uero si de partium uoluntate processerit causam ipsam infra spacium aliorum duorum mensium subsequentium iudicio uel concordia terminare curetis facientes quod decreueritis per censuram ecclesiasticam firmiter obseruari Alioquin ex tunc eandem causam cum dictis omnium testium predictorum ac prefatis articulis et interrogatoriis inclusis sub uestris sigillis ad nostram presentiam remittatis prefixo partibus termino peremptorie competenti quo per se uel per procuratores idoneos cum omnibus actis munimentis et rationibus suis causam ipsam contingentibus nostro se conspectui representent iustam dante domino sententiam recepture Testes autem qui fuerint nominati si se gracia odio uel timore subtraxerint et per censuram eandem appellatione cessante cogatis ueritati testimonium perhibere Quod si non omnes hiis exequendis potueritis interesse et duo uestrum nihilominus exequantur Dat Perusii iij kalendas Augusti pontificatus nostri anno decimo
Source (click image below to view full size)
