Charter Document - 02699432
| Charter Number: | 02699432 |
|---|---|
| Cartulary Title: | The Cartulary of the Priory of St. Denys near Southampton |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1219 |
| Date type: | Internal, Calendar, Papal |
| Resource Link(s): |
|
Charter:
Honorius episcopus servus servorum Dei dilectis filiis priori de Bradewell de Neuport et de Muresl decanis Lincol[] dioecesis salutem et apostolicam benediccionem Sua nobis dilectus filius thesaurarius Ebor[] conquestione monstravit quod prior Sancti Dionis archidiaconus Wint[] et quidam alii clerici et laici Wint[] Lincol[] et Ebor[] dioecesis super quibusdam possessionibus reditibus decimis et rebus aliis ad thesaurarium suam spectantibus iniuriantur eidem Quo circa discrecioni vestre per apostolica scripta mandamus quatinus partibus convocatis audiatis causam et appellacione remota fine debito terminetis facientes quod decreueritis per censuram ecclesiasticam firmiter observari Testes autem qui fuerint nominati si se gracia odio vel timore subtraxerint per censuram eandem appellacione cessante cogatis veritati testimonium perhibere Quod si non omnes hiis exequendis potueritis interesse duo vestrum ea nihilominus exequentur Dat Reat[] iiii Idus Ianuarii pontificatus nostri anno [tertio]
Source (click image below to view full size)
