Charter Document - 02629403
Charter Number: | 02629403 |
---|---|
Cartulary Title: | The Cartulary of Oseney Abbey |
Charter Language: | Latin |
Charter Origin: | Papal |
Charter Type(s): | Mandate |
Date: | 1240 |
Date type: | Internal, Calendar, Papal |
Resource Link(s): |
Reference Document for this Embedded Document Reference Document for this Embedded Document |
Charter:
Gregorius episcopus seruus seruorum dei dilectis filiis de Caudewelle et de Graua prioribus Lincolniensis dioecesis salutem et apostolicam benedictionem Querelam abbatis et conuentus de Oseneya recepimus continentem quod Thomas rector ecclesie de Byx R Miles et quidam alii Lincolniensis et Saresbyriensis ciuitatum et dioecesum super decimis legatis et rebus aliis iniuriantur eisdem Quocirca discrecioni uestre per apostolica scripta mandamus quatinus partibus conuocatis audiatis causam et appellacione remota fine debito terminetis facientes quod decreueritis per censuram ecclesiasticam firmiter obseruari Testes autem qui fuerint nominati si se gracia odio uel timore subtraxerint per censuram eandem appellacione cessante cogatis ueritati testimonium perhibere Dat Anagnie v Idus Augusti Pontificatus nostri anno tercio decimo