Charter Document - 02629128
| Charter Number: | 02629128 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1231 |
| Date type: | Internal, Papal |
| Resource Link(s): |
Reference Document for this Embedded Document |
Charter:
Gregorius episcopus seruus seruorum dei dilectis filiis de Hatfeld Peverel et de Tipetre prioribus et decano de Witham Londoniensis diocesis salutem et apostolicam benedictionem Dilecti filii abbas et conuentus sancti Iohannis de Colecestria nobis conquerendo monstrarunt quod abbas de Waled et quidam alii clerici et laici Londoniensis Eliensis Lincolniensis diocesum super decimis possessionibus redditibus et rebus aliis iniuriantur eisdem Ideoque discretioni uestre per apostolica scripta mandamus quatinus partibus conuocatis audiatis causam et appellacione remota fine debito terminetis facientes quod decreueritis per censuram ecclesiasticam firmiter obseruari Testes autem qui fuerint nominati si se odio uel timore subtraxerint per censuram eandem appellacione cessante cogatis ueritati testimonium perhibere Quod si non omnes hiis exequendis potueritis interesse duo uestrum ea nichilominus exequantur Dat[um] La[terani] Idus Maii pontificatus nostri anno quarto
Source (click image below to view full size)
