Charter Document - 02520097
| Charter Number: | 02520097 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1243 |
| Date type: | Internal, A.D., Calendar, Regnal, Lunar |
| Resource Link(s): |
Monasterium.net |
Charter:
E[berhardus] dei gracia Salzburgensis archiepiscopus a[postolice] s[edis] l[egatus] universis Christi fidelibus presentem paginam inspecturis salutem in omnium salvatore Que pro religiosarum domorum quiete consulte statuuntur ea decet scripturis autenticis taliter confirmare ut non quispiam perversorum quolibet ausu valeat eadem infirmare Tenore igitur presencium cunctis fidelibus patefiat quod nos dilectis in Christo fratribus abbati et conventui sancte Marie in Raitenhaslach Cisterciensis ordinis hanc auctoritatem indulsimus ut si quisquam eos in prediis aut possessionibus eorum indebite molestaverit in nostra diocesi ubicumque fuerit abbas predicti loci qui pro tempore fuerit plebanum seu provisorem illius ecclesie in qua domicilium vel mansionem habuerit suus lesor per censuram ecclesiasticam coercere valeat ut lesori eidem ecclesiastica sacramenta subtrahat et si necesse fuerit vinculo excommunicationis illaqueet ipseque abbas eundem molestatorem anathematis mucrone percuciat donec memorato monasterio satisfaciat de illatis Ut igitur hec auctoritas abbati prefati monasterii rata maneat et inconvulsa presentem paginam sibi super ea tradidimus sigilli nostri munimine consignatam Actum Salzburca anno domini Iesu MCCXLI in idibus marcii indictionis prime anno in ciclo decemnovenali IX solari XX feliciter amen