Charter Document - 02520043
| Charter Number: | 02520043 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1207 |
| Date type: | Internal, A.D. |
| Resource Link(s): |
Monasterium.net |
Charter:
In nomine sancte et individue trinitatis Ego Luipoldus dei gratia dux Austrie atque Stirie omnibus fidelibus imperpetuum Quoniam deo annuente et id ipsum sua nobis dignatione abundantius hoc suggerente nichil horum que pater meus necnon et dilectus frater meus Fridericus successor suus pro reverentia et honore omnipotentis dei et omnium sanctorum pro redemptione animarum suarum statuerunt et datis privilegiis conservanda perpetuo confirmaverunt annullare vel retractare nec volumus nec possumus quin etiam ut benefactorum ipsorum communionem in presenti simul et futuro habeam quecumque illi fecere fideliter et devote suis temporibus hec eadem et nos donatione privilegii et impressione sigilli nostri confirmare curabimus videlicet ut fratres de Reitenhasela liberum [transitum habeant] Cremisa Persenbiuge et Muthusen vel ad quemcumque locum eadem muta iussu ducum Austrie in futurum transferatur sine diminutione iuris fratrum predictorum fiat Et quia volumus ut elemosina nostra libera sit et plenaria mutariis interdicimus omnem de eisdem venerabilibus fratribus exactionem preter ius suum quod sunt duodecim denarii vel aliquod xenium quod pro eisdem nummis constare poterit et hoc tantum semel in ascensu navium ipsorumm fiat Quod si quisquam eorum predictos fratres contra hec nostra instituta ullo modo angariaverit vel ab incepto itinere quocumque modo retardaverit quinquaginta libras argenti in cameram nostram pro tali presumptione appendat salvo iure fratrum permanente nostraque inviolabili donatione deinceps perseverante Horum testes sunt Eberhardus archiepiscopus et apostolice sedis legatus Albertus Salzeburgensis prepositus Hademarus de Sungeren Wichardus dapifer Wichardus de Zebingen Wernherus de Zelkingen Rovdolfus de Sinmanningen Rovdolfus de Potendorf Vlricus de Wahingen Vlricus cognomento Asinus Marquardus de Hinperc Heinricus de Prunnen Adelolphus et frater suus Hartungus et alii quam plures Acta sunt autem hec anno ab incarnatione domini MCCVII indictione X in Niuenburch