Charter Document - 02440177

Universis Cristi fidelibus ad quos presens carta pervenerit Rainaldus divina miseratione Bathonensis episcopus salutem ab auctore salutis Ad universitatis vestre noticiam volumus devenire nos cartam Roberti bone memorie Bathonensis episcopi predecessoris nostri inspexisse et eam in presenti pagina de verbo ad verbum annotasse [] Nos igitur venerabilis predicti predecessoris nostri vestigiis inherentes ob reverentiam beati Andree apostoli et ad peticionem burgensium nostrorum Wellensium omnes consuetudines et libertates negotiatoribus illic in tribus festivitatibus et earum vigiliis venientibus ab eo concessas ratas habemus et in perpetuum illibatas volumus permanere adicientes ut eisdem libertatibus et consuetudinibus in crastino etiam omnium predictarum gaudeant festivitatum Nobis quidem et successoribus nostris de consensu predictorum burgensium conductus omnium seldarum medietas in presciptis nundinis debet in perpetuum remanere Que omnia ut rata et intacta in posterum perseverent presentis scripti testimonio et sigilli nostri appositione duximus confirmanda Hiis testibus magistro Willelmo thesaur[ario] Wellensis Roberto subdecano Wellensis magistro Rad[ulfo] de Lichel Iocelino capellano Willelmo de Meleburn Iohanne de Cumb Thoma de Dinant Gaufrido clerico magistro Rogero medico Michaele clerico Hugone clerico Henrico de Armenteriis Willelmo de Erleg Philippo de Wika Ricardo de Ken Walerando de Welesleg Willelmo de Maulerb Reginaldo de Wodeford Edwardo de Wellensis Godefrido de Cnoll Iocelino de Wellis Willelmo nepote Henrico bedello Hugone fabro Willelmo forestaria Rad[ulfo] Cade Huberto filio Goce Alfredo mercatore Rain[aldo] Ruffo Gaufr[ido] Ruffo Rad[ulfo] Cusin Willelmo coco et aliis multis