Charter Document - 02410333
| Charter Number: | 02410333 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1233 |
| Date type: | Assigned |
| Resource Link(s): |
|
Charter:
Universis Cristi fidelibus ad quos presens scriptum pervenerit Hugo Folyot dei gratia Herefordensis episcopus salutem in domino Noverit universitas vestra nos divine pietatis intuitu dedisse et concessisse abbati et conventui sancti Petri Glouc ibidem deo servientibus tres marcas annuas quas eisdem caritative contulimus nomine personatus ecclesie de Foya duobus terminis percipiendas a magistro Petro de Northampton vicario eiusdem ecclesie videlicet in annunciatione beate Marie viginti solidos et in festo Sancti Michaelis viginti solidos salva tota residua portione dicte ecclesie predicto magistro P quamdiu vixerit possidenda et post decessum eiusdem P licebit predictis abbati et conventui totam dictam ecclesiam cum pertinentiis habere et tenere et in proprios usus iuxta voluntatem suam convertere Nos vero dictos abbatem et conventum ad dictam pensionem nomine personatus admisimus et eosdem in eadem ecclesia canonice instituimus Quod quia ratum et stabile volumus perpetuo permanere presenti id scripto et sigilli nostri impressione confirmavimus Hiis testibus decano et capitulo Hereford