Charter Document - 02400337
| Charter Number: | 02400337 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1205 |
| Date type: | Internal, Calendar, Episcopal |
| Resource Link(s): |
Reference Document for this Embedded Document |
Charter:
Omnibus sancte matris ecclesie filiis I Dei gratia Norwycensis episcopus salutem in Domino Ad omnium volumus pervenire notitiam nos Dei causa et pietatis intuitu ad petitionem et presentationem venerabilis viri et fratris in Christo karissimi S Dei gratia abbatis sancti Edmundi concessisse ut pauperes et infirmi hospitalis extra burgum sancti Edmundi quod idem S ibidem plantavit duas portiones ecclesie de Meleford imperpetuum in usus suos percipiant salvis in omnibus honore et reverentia et dignitate ecclesie Norwycensis reservata etiam tertia portione eiusdem ecclesie ad sustentationem vicarii qui in eadem ministrabit ita quod quicumque in eadem tertia portio ne institutus est in solidum respondeat de omnibus oneribus episcopalibus tam de sinodalibus quam de aliis tam de portione fratrum quam pro sua et salvo nobis et successoribus nostris imperpetuum iure pontificali et parochiali T[estibus] G archidiacono magistro Roberto de Glouecestr Wmfrido capellano magistro Roberto de Tywa Alano de Grey Dat apud Gypuwic per manum magistri G de Derham ii nonas Maii pontificatus nostri anno v