Charter Document - 02400312
| Charter Number: | 02400312 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1193 - 1200 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus Christi fidelibus ad quos presens scriptum pervenerit Iohannes Dei gratia Norwicensis episcopus salutem in Domino Quanto inter Christi fideles episcopalis preeminet auctoritas tanto ipsam ea que cultum adaugent Domini studiosius confovere decet et ampliare Inde est quod universis notum esse volumus quod nos novelle plantationis dilectorum in Domino filiorum canonicorum de Derham quos venerabilis patris nostri domini Huberti Cantuariensis archiepiscopi pia fundavit devotio honestatem et religionem diligenter attendentes ipsis ecclesiam sancti Petri de Derham confirmavimus et concessimus ut ipsam cum integritate omnium ad eam pertinentium in usus proprios in perpetuo possideant salva honesta sustentatione vicarii et salva reverentia obedientia et debitis consuetudinibus sancte Norwycensis ecclesie Et ut hec nostra concessio perpetuam optineat firmitatem eam presenti scripto et sigilli nostri appositione corroboramus Test[ibus] []