Charter Document - 02400284
| Charter Number: | 02400284 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1188 - 1200 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Iohannes Dei gratia Norwicensis episcopus salutem in Domino Noverint universi nos canonice concessisse et confirmasse monachis de Snapes subscriptas possessiones et ecclesias scilicet manerium de Snapes et de Haldeburc et terram que dicitur Brunstanneshah ex donatione nobilis viri Willelmi Martel sicut carta ipsius testatur et ecclesias de Fresetune et de Bedingfeld ad eorum sustentationem cum omnibus pertinentiis earum in perpetuum habendas ecclesiam quoque de Snapes cum omnibus ad eam pertinentibus ad edificationem monasterii sui in perpetuum eis tenendam concedimus Preterea quascumque alias possessiones vel ecclesias rationabiliter possident in presentiarum vel iustis modis in posterum per gratiam Dei poterunt adipisci eis concedimus et episcopali auctoritate confirmamus salvis in omnibus obedientia reverentia debitis consuetudinibus sancte Norwicensis ecclesie Et ut hec nostre confirmationis pagina perpetua sit et stabilis eam sigilli nostri patrocinio corroboramus Testibus Gaufrido archidiacono Eustachio capellano magistro Lamberto Roberto de Chipeham magistro Gervasio