Charter Document - 02400227
| Charter Number: | 02400227 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1185 - 1200 |
| Date type: | Assigned |
| Resource Link(s): |
Reference Document for this Embedded Document |
Charter:
Universis Christi fidelibus Iohannes Dei gratia Norwicensis episcopus salutem in Domino Ad episcopalis officii sollicitudinem pertinere dinoscitur sacre religionis cultum et devotionem ampliare et protegere et ut novella plantatio leta suscipiat incrementa et que radices iam altius egerit ad salutem proficiat anima Inde est quod nos devotionem dilecti filii nostri Theobaldi de Valeines patroni ecclesie de Hikeling diligentius attendentes ipsam ecclesiam in honore omnium sanctorum constitutam iuxta ipsius Theobaldi desiderium et petitionem Alexandro priori et canonicis ibidem Deo servientibus et in perpetuum servituris religionis et pietatis intuitu concessimus statuentes ut in eadem ecclesia canonici beati Augustini regulam professi perpetuo maneant et ministrent iuxta predicte regule formam Domino devote servientes Hanc itaque ecclesiam cum integritate omnium ad illam pertinentium memoratis canonicis episcopali auctoritate confirmamus Preterea ad supradicti Theobaldi petitionem eisdem canonicis concedimus ecclesiam de Hachetun cum omnibus pertinentiis suis et ecclesiam de Parham cum pertinentiis suis cuius medietatem Radulfus de Colevill ad suum patronatum pertinere contendebat de cuius tamen consensu hec nostra facta est concessio ut scilicet fructus et obventiones ipsorum canonicorum cedant usibus salva honesta sustentatione sacerdotum in predictis ecclesiis ministrantium Hec autem omnia et que futuris temporibus Domino donante in episcopatu Norwicensi iustis modis adipisci poterunt sepedictis canonicis confirmamus salvo in omnibus honore fide reverentia subiectione et obedientia sancte Norwicensis ecclesie et episcopalibus consuetudinibus et officialium nostrorum Et ut hec nostra concessio et confirmatio inconcussa maneat inperpetuum eam presentis scripti pagina et sigilli nostri appositione communimus districtius inhibentes ne quis in posterum vel ex temeritate vel ex malitia contra eam venire vel eam aliquatenus infringere presumat T[estibus] []