Charter Document - 02380155
| Charter Number: | 02380155 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1192 - 1195 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Hugo dei gratia Lincolniensis episcopus eternam in domino salutem Quotiens Christi fidelibus in usus pauperum perpetuos beneficia conferuntur et ad dei gloriam statuuntur permansura propter ingeniosas malignantium versutias litteris decet acta ligari et ad future generationis posteritatem autentici scripti beneficio transmitti Hinc est quod decimas et terras in puram et perpetuam elemosinam elemosinarie Burgi collatas auctoritate episcopali decrevimus confirmare et nominatim singulas exprimere has scilicet Suttonam cum omnibus ad eam pertinentibus unam virgatam terre et dimidiam in Wermentona de dono Simonis filii Nigelli de dono Willelmi de Cloptona septies xx acras terre et totum pratum de Sinesuuald et unam virgatam terre et preterea magnam virgatam terre de dono Roberti Gargate unam virgatam terre in Wermentona cum toftis et pertinentiis suis duas garbas decime totius parochie capelle de Pastona et duas partes tertie garbe decimarum quatuor militum in eadem parochia Yvonis videlicet de Gunetorp Ascelini de Pastona Roberti Peverel et Roberti Grip duorum etiam frankelanorum Alfrici scilicet de Widerintona et Odonis de Widerintona decem solidos quos Galfridus filius Galfridi ecclesie Burgi in villa de Sutorp assignavit duodecim denarios annuos quos Hauuisa Peverel de terra Henrici clerici de Pastona concessit de mesagio Wigari de Aia duodecim denarios in villa Burgi in campis de Dodestorp duas acras terre quas Henricus cocus dedit unam acram in villa de Thorp quam Willelmus filius Godrici ecclesie Burgi legavit duodecim denarios de terra quam Thurstanus de Torp elemosinarie dedit duas acras de terra que fuit Gaufridi braciatoris unam marcatam redditus ex dono Iordani filii Godrici in Lincolnia de terra que est proxima atrio sancte Trinitatis de Wikeford de terra de Halebode quadraginta solidos Hec omnia sicut eis concessa sunt rationabiliter auctoritate qua fungimur elemosinarie Burgi confirmamus Preterea confirmamus domui infirmorum monachorum Burgi molendinum quod dicitur Briggemilne quod Thuroldus de Suttona ecclesie Burgi dedit Que omnia ut firma et inconvulsa omni tempore permaneant presentis scripti serie et sigilli nostri appositione confirmamus Hiis testibus Haymone decano Lincolniensis ecclesie magistro Winemero archidiacono Norhamton magistro Ricardo de Suualeclive et aliis multis