Charter Document - 02380072
| Charter Number: | 02380072 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1186 - 1188 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Hug[o] dei gratia Lincolniensis episcopus salutem in domino Ne ea que locis religiosis conferuntur beneficia maligna pravorum machinatione possint retractari aut per temporum vetustatem oblivione sepeliri sollers antiquorum cavit prudentia ad posterorum cognitionem predicto modo collata beneficia per scripture subsidium longeva perpetuare memoria Nos igitur veterum vestigia pia sequentes dilectis nobis in Christo filiabus priorisse sancti Iacobi extra Huntendonam et monialibus ibidem deo servientibus donationes sibi rationabiliter factas episcopali auctoritate duximus confirmare et attestatione presentis scripti communire quas propriis vocabulis censuimus subsequenter exprimere videlicet ex donatione Willelmi regis Scotie locum in quo sita est ecclesia sancti Iacobi in quo loco prefate moniales manent ex donatione comitis David pratum turris et duas virgatas terre in Stivecle ex donatione Simundi de Turre totam terram quam habuit in Huntedon excepto loco in quo domus eius site sunt ex donatione Clementie de Hamertun unam virgatam terre in eadem villa ex donatione Iohannis Vis de Lu unam virgatam terre in Abinton ex donatione Roberti Engaine unam virgatam terre in Weresle ex donatione Willelmi de Einesford ex unaquaque acra terre dominii sui de Stoctun unam garbam ex donatione Roberti procuratoris vinee regis de Hunted redditus trium solidorum Supradictas itaque donationes super quibus donatorum cartas inspeximus sicut rationabiliter facte sunt deo et ecclesie sancti Iacobi et monialibus ibidem deo servientibus ratas habemus et presentis scripti testimonio ac sigilli nostri patrocinio confirmamus Testibus magistro Laurentio archidiacono Bedeford magistro Roberto de Bedeford magistro Garino officiali Bedef magistro Iohanne de Bedef Walk[elino] capellano magistro Willelmo Wacelin et aliis