Charter Document - 02371537
| Charter Number: | 02371537 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1150 - 1154 |
| Date type: | Assigned |
| Resource Link(s): |
Reference Document for this Embedded Document |
Charter:
Theobaldus dei gracia archiepiscopus Anglorum primas et apostolice sedis legatus universis ministris et hominibus suis Francis et Anglis de hundreto de Mailing salutem Noverint omnes communiter tam presentes quam futuri quoniam in dedicatione ecclesie beati Michaelis de Mailing quam ipsi dedicavimus et consecravimus dotavimus ipsam ecclesiam et ei in perpetuam dedimus dotem omnes decimationes dominii nostri de Mailing in segetibus in fenis in caseis in lana in pullis in vitulis in agnis in porcellis in capris et in omnibus aliis rebus que decimari debent tam de dominio quam de membris ad dominium pertinentibus Precipimus etiam quod bladum eorum et fenum metatur et colligatur quando nostrum proprium et ab illis qui nostrum messuerint Hanc itaque donationem et hanc libertatem concedimus et presentis scripti nostri auctoritate ecclesie sancti Michaelis et canonicis eiusdem ecclesie in perpetuam possessionem confirmamus Testibus Rogero archidiacono Cantuariensi et Philippo cancellario et Alano de Well et Petro scriptore Rogero Species et Malgerio et Roberto filio Symonis et Willelmo de Bec et Roberto Halsart et Radulfo de Bec et Hugone de Bec et Daniele forestario apud Mailing