Charter Document - 02371445
| Charter Number: | 02371445 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1197 - 1203 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus Christi fidelibus ad quos presens scriptum pervenerit F prior sancti Martini Dovorr et eiusdem loci conventus eternam in domino salutem Noverit universitas vestra nos intuitu dei concessisse et dedisse quantum in nobis est Iohanni de Kent clerico venerabilis patris nostri H Cantuariensis archiepiscopi et nostro ecclesiam de Apoldre cum capella de Ebbeneia et cum omnibus aliis ad eam pertinentibus salva nobis debita inde decem solidorum pensione in duobus anni terminis solvenda scilicet ad festum sancti Michaelis quinque solidorum et ad Pascha quinque solidorum Hospitia vero que priori singulis annis ibidem deberi proponimus a persona eiusdem ecclesie necnon et servientis nostri exhibitionem dum ibi in estate ligna colliget ad ignem nostrum quam similiter ab eadem persona nobis deberi dicimus eidem Iohanni quoad vixerit et eandem ecclesiam tenebit spontanea voluntate penitus remisimus salvo nobis post mortem eius iure nostro quod in eisdem habemus Ut igitur hec nostra concessio futuris temporibus stabilis et firma perseveret eam presentis scripti serie et sigilli nostri appositione duximus roborandam Hiis testibus H Cantuariensi H Richemundensi archidiaconis R Saresberiensi S Lichefeldensi tesaurariis magistro Ricardo de Wilton magistro Michaele Roberto de Bristoll Willelmo de Bosco Willelmo Dano David de a Rudeby Rogero de Basingham Aaron Simone decano Dovorr et Thoma capellanis Laurentio de Syberteswelde Furmentino et Ricardo filiis eius Nicholao ianitore et aliis