Charter Document - 02371416
| Charter Number: | 02371416 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1184 - 1190 |
| Date type: | Assigned |
| Resource Link(s): |
Reference Document for this Embedded Document |
Charter:
Universis Christi fidelibus ad quos litere iste pervenerint Baldwinus Dei gratia Cantuariensis archiepiscopus totius Anglie primas eternam in Domino salutem Ut ea que a fratribus et coepiscopis nostris ad quietem et securitatem virorum religiosorum ordinata sunt in statu debite tranquillitatis perseverent eorum gestis authoritatis nostre robore duximus accomodare ea propter ad universitatis vestre notitiam volumus pervenire nobis ex inspeccione authentici scripti Ricardi bone memorie Conventrensis episcopi innotuisse ipsum episcopum ex donatione et concessione Willielmi Walbanc abbati et conventui de Cumbermara ecclesias de Actona de Nametwico de Sandona et de Alfstonesfeld cum capellis terris decimis obventionibus et libertatibus ad easdem ecclesias pertinentibus contulisse et confirmasse unde et nos quod a predicto episcopo memoratis fratribus pia devotione concessum est ratum habentes et acceptum literas confirmationis et concessionis ipsius episcopi sicut rationabiliter facta est authoritate qua fungimur confirmamus et sigilli nostri appositione communimus