Charter Document - 02371390
| Charter Number: | 02371390 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1154 - 1161 |
| Date type: | Assigned |
| Resource Link(s): |
Reference Document for this Embedded Document |
Charter:
Theobaldus dei gratia Cantuariensis archiepiscopus Anglorum primas et apostolice sedis legatus universis sancte ecclesie fidelibus salutem Donationes regum Anglorum et elemosinas principum ecclesiis seu religiosis locis canonice collatas et concessas nostri est offici firmas statuere et auctoritatis nostre testimonio roborare Ea propter donum regis Anglorum celebris memorie Willelmi a glorioso rege Henrico filios suo confirmatum videlicet ecclesias et decimas de Middeltona et de Favresham ex omnibus reditibus qui regi reddebantur ex his mansionibus et ex omnibus ibidem appendentibus terra silva pratis et aqua excepta decima mellis et gabli denariorum concedimus et confirmamus deo et sancto Augustino et abbati et fratribus ejusdem loci ut habeant et teneant et possideant ita libere et quiete Sicut predictorum regum carte quas oculis nostris vidimus attestantur eos habere et tenere debere Siquis igitur hoc violare temptaverit secundo terciove commonitus nisi digne satisfecerit anathemati subjaceat Conservantes autem gratiam et benedictionem dei consequantur Amen