Charter Document - 02370536

Hubertus dei gracia Cantuariensis archiepiscopus tocius Anglie primas universis sancte matris filiis ad quos presentes littere pervenerint eternam in domino salutem Ad universitatis vestre volumus pervenire noticiam nos mandatum domini pape in hec verba suscepisse [] Huius auctoritate mandati partibus convocatis et coram nobis in iure constitutis tandem post multa hinc inde proposita lis sub hoc fine inter dictum Philippum et Gaufridum de Lasci personam ecclesie de Ludelawe amicabiliter conquievit Iam dictus itaque Godfridus medietatem ecclesie de Ludelawe quam idem Philippi presbiter nomine vicarie perpetue sibi restitui postulavit ad eundem Philippi de iure pertinere in iure recognovit et eam tanquam perpetuam vicariam ei debitam coram nobis restituit Facta autem ei restitucione idem Philippi ei concessit tenendam quoad viveret de eo sub annuo censu quatuor marcarum et quinque solidorum ei in duobus anni terminis solvendorum scilicet duarum marcarum et quinque solidorum infra octabas Pasche et duarum marcarum infra octabas sancti Michaelis hac pena adiecta quod si idem Godfridus pecuniam illam in terminis eisdem non solverit predicto magistro cadet a firma et eadem vicaria scilicet medietas ecclesie cedet eidem magistro sine contradictione et remedio appellacionis ut secundum voluntatem suam inde disponat Idem insuper Godfridus scolas de Ludelawe sepe dicto Philippi restituit in cuius opcione erit utrum voluerit vel scolas illas regere vel regendas alii concedere ita quidem quod qui ibidem lecturus erit ab eodem Philippi sepe dicto Godfridus prius presentetur et ab eodem sine mora et contradictione admittatur Licitum quoque erit eidem Philippi quociens voluerit divina in eadem ecclesia celebrare ita quod antequam ibi celebrare incipiat in presencia parochianorum eiusdem ecclesie sacrosanctis evangeliis coram positis iurabit quod occasione illius celebracionis decimas vel oblaciones vel aliquas obvenciones quascunque sibi non recipiet retinebit aut vendicabit in sepe dicti Godfridus preiudicium vel iacturam Ministri quoque eiusdem ecclesie sine difficultate vestimenta sacerdotalia libros et alia celebracioni divinorum necessaria ei ministrabunt Hiis erat adiectum quod predictus Godfridus nichil in dolo machinabitur quominus eandem vicariam post decessum suum pacifice possideat Cartam quoque suam hanc composicionem continentem conficiet et cartam capituli Herefordensis ecclesie eandem composicionem testificantem eidem Philippi impetrabit et insuper cartam Herefordensis episcopi id idem confirmantem pro posse suo adquiret Godfridus vero quamdiu firmam illam tenuerit sinodalia et omnia onera vicariam illam contingenda nomine ipsius Ph sustinebit Hanc autem composicionem in perpetuum fideliter observandam uterque coram nobis in iure sollempniter iuravit Igitur ne ea que rite coram nobis terminata sunt in recidive contencionis scrupulum in posterum deveniant auctoritate apostolica et nostra eadem confirmavimus et presenti pagine in rei geste robur et testimonium sigillum nostrum duximus apponendum Hiis testibus magistro Honorius archidiacono Richemund magistro S de Siwell thesaurario Lichesfeld magistro de Tinem magistro Roberto Balbo magistro Adam de Walsingh magistro Michaele Roberto de Bristoll magistro Ricardo de Beverlaco magistro Ricardo Peccatore Willelmo de Bosco David de Ruddebi et aliis