Charter Document - 02361374
| Charter Number: | 02361374 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1229 |
| Date type: | Internal, A.D., Feast |
| Resource Link(s): |
Reference Document for this Embedded Document |
Charter:
Ego Theobaldus Campanie et Brie comes palatinus notum facio universis quod ego super omnibus querelis et controversiis que vertebantur inter me et Guidonem comitem Nivernensem necnon et super pace inter me et dictum Guidonem comitem reformanda et firmiter observanda compromisi in venerabilem virum Romanum Sancti Angeli diaconum cardinalem apostolice sedis legatum promittens prestito tactis sacrosanctis evangeliis et sanctis reliquiis juramento quod ego haut et bas stabo super hiis ordinationi ipsius legati Concedo etiam et volo quod idem legatus ubicumque fuerit sive in legatione sive extra legationem habeat potestatem omni appellatione remota animadvertendi in me et terram meam si a dicto suo vel ordinatione sua me aliquando in aliquo contingerit resilere Et super hoc omnino me suppono jurisdictioni ipsius vel illius seu illorum cui vel quibus in hac parte vices suas duxerit committendas Datum anno Domini millesimo ducentesimo vigesimo nono die veneris proxima post festum Sancti Dionysii