Charter Document - 02351433
| Charter Number: | 02351433 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Decree |
| Date: | 1175 - 1200 |
| Date type: | Assigned |
| Resource Link(s): |
Reference Document for this Embedded Document |
Charter:
Ego juro quod ego ero fidelis comiti de cetero et quod ego servabo membra ejus et honorem ejus pro posse meo sic me Deus adjuvet et hac sancta salva fidelitate Beati Martini et exceptis clericis Si comes faciat clamare quod sacramentum sibi debitum faciant omnes illi qui non fecerint ad terminum clamatum nisi legitima excusatione se excusaverint per sexaginta solidos debent ei emendare cujus medietatem emende debet habere comes et aliam prepositus Similiter cum omnes homines debeant esse jurati preposito Chableie cujuscunque conditionis sint si prepositus fecerit clamare quod faciant sibi sacramentum debitum et non fecerint debent emendare preposito per sexaginta solidos cujus emende medietas est comitis et alia medietas prepositi Si comes fecerit clamare quod omnes exeant post ipsum vel post mandatum ejus pro negotio ejusdem ville omnes debent exire post ipsum et si non exierint nisi legitima excusatione se excusaverint per sexaginta solidos debent ei emendare cujus emende medietas est prepositi et alia medietas comitis ita tamen quod eadem die possint homines ad domum suam reverti similiter post prepositum vel mandatum ejus tenentur exire si non debent emendare Comes habet bannum de vino vendendo per tres septimanas apud Chableias