Charter Document - 02331158
| Charter Number: | 02331158 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1248 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Universis presentes litteras inspecturis frater Guillelmus Prior Trenorchiensis totusque ejus loci conventus salutem in Domino Noverint universi tam presentes quam futuri quod statutum est in generali Capitulo nuper celebrato de omnium fratrum assistentium consilio et consensu quod prioratus et domus ad nostrum monasterium pertinentes in pensione seu censu annuo annuatim subveniant de cetero in futurum monasterio nostro scilicet Prioratus Sancti Portiani in centum libris Turonensis prioratus de Cunaldo in centum libris prioratus Herensis monasterii in quinquaginta libris prioratus de Lauduno in viginti quinque libris domus de Bellovidere in decem libris domus S Philiberti de Grandiloco in decem libris domus Sancti Vitalis in centum solidis domus de Machicol in centum solidis In cujus rei testimonium presentibus sigillum nostrum apposuimus Et nos Renaldus permissione divina Abbas Trenorchiensis qui presentes fuimus huic statuto auctoritatem prebuimus et assensum et in testimonium veritatis et roboris sigillum nostrum cum sigillo conventus nostri presentibus duximus apponendum Datum anno Domini millesimo CCXLVIII