Charter Document - 02223017
| Charter Number: | 02223017 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1291 |
| Date type: | Internal, A.D., Calendar, Regnal |
| Resource Link(s): |
Reference Document for this Embedded Document Patrimoine numérisé de Besançon - MS Droz 21 - Tome 1 (p.46) |
Charter:
Ut illos uberioris gratie benevolentia favorabilius prosequamur quorum merita gloriosa nostram celsitudinem et decorem imperii pervenustant ratio consulit et jus suadet Est itaque nobilis vir Johannes de Cabilone dominus de Alato noster et imperii fidelis dilectus quem propter multiformia virtutum suarum bene merita nos delectat prevenire gloria et honore cui de consensu nostrorum et imperii principum ex regali beneficentia duximus hanc gratiam faciendam ut ipse Johannes et sui heredes in terra sua possint cudere monetam ad valorem denariorum parisiensium vel minoris valoris in denariis vel obolis ubi et quando sibi vel eis videbitur expedire volentes ut in hujusmodi concessionis gratia a nullo hominum perturbentur sed ea quiete et pacifice nostra et imperii auctoritate gaudeant et utan tur ita tamen quod hoc jus cudende monete dictus Johannes de Cabilone et sui heredes a nobis et imperio habeant et teneant titulo feodali et nobis et successoribus nostris in imperio prestare teneantur fidelitatis homagium de eodem Volumus etiam ut prefatus Johannes et sui heredes predictam monetam in recto pondere et forma et justo numismate cudi faciant exule qualibet diminutionis vel calumpnie fictione In cujus rei testimonium presens scriptum exinde conscribi et majestatis nostre sigillo fecimus communiri Datum in Maguntia IIII kalendas junii indictione IV anno Domini MCC nonagesimo primo regni vero nostri anno XVIII