Charter Document - 02222017
| Charter Number: | 02222017 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1288 |
| Date type: | Internal, A.D., Calendar, Regnal |
| Resource Link(s): |
Reference Document for this Embedded Document Patrimoine numérisé de Besançon - MS Droz 21 - Tome 1 (p44) |
Charter:
Rodulphus Dei gratia Romanorum rex semper augustus universis sacri Romani imperii fidelibus presentes litteras iuspecturis gratiam suam et omne bonum Accedens jam pridem nostre majestatis presentiam nobilis vir Rolinus dominus Novi Castri filius quondam Amedei domini de Novo Castro fidelis noster dilectus castrum quod dicitur Novum Castrum et villam ipsius castri super lacum Lausannensis dyocesis sita cum allodiis feodis et retrofeodis cum judiciis pedagiis jurisdictionibus aquis aquarum decursibus et nigras jures ac rebus aliis quocumque nomine censeantur que idem a nobis et imperio tenebat in feodum in manus nostras libere resignavit Nos itaque considerantes imperium sublimioris fastigii incrementa suscipere cum generosa prosapie viros pollentes nobis et imperio ad debitricis fidelitatis homagium vendicamus ad preces predicti Rolini nobili viro Johanni de Cabilone domino de Allato fratri et fideli nostro dilecto ad cujus utique honorem et profectum votivis aspiramus affectibus predictum castrum et villam cum feodis retrofeodis et aliis premissis omnibus a nobis et imperio per eum et suos heredes legitimos in feodum possidenda perpetuo liberaliter concedimus ac eum de eodem feodo presentibus investimus homagio tamen quod illustribus comiti Burgundie ac duci Burgundie prius prestitit sibi salvo In cujus concessionis testimonium presentes litteras sibi tradimus nostre majestatis sigilli munimine communitas Datum in castris ante Bernam idibus septembris indictione I anno Domini MCCLXXXVIII regni vero nostri anno XV Item Rodulphus Dei gratia []