Charter Document - 02221017
| Charter Number: | 02221017 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1288 |
| Date type: | Internal, A.D., Calendar, Regnal |
| Resource Link(s): |
Reference Document for this Embedded Document Patrimoine numérisé de Besançon - MS Droz 21 - Tome 1 (p42) |
Charter:
Rodulphus Dei gratia Romanorum rex semper augustus universis sacri Romani imperii fidelibus gratiam suam et omne bonum Ad universitatis vestre notitiam presentis scripti serie cupimus pervenire quod nos attendentes multiformia meritorum insignia nec non gratuita servicia quibus erga nos et sacrum Romanum imperium nobilis vir Johannes de Cabilone dominus de Arlato enituit et enitere poterit in futurum ex hoc ipsum in nostrum et Romani imperii vassallum volentes conquirere ex liberalitate regia eidem Johanni et suis heredibus concedimus et donamus irrevocabiliter quod in perpetuum de qualibet balla seu sacco vel saccis [seu trosello vel trosellis seu fardello vel fardellis] continentibus quantitatem unius balle vel circiter lanarum pannorum telarum piperis pellium nec non ceterarum mercium quocunque nomine censeantur vel vocentur transeuntium per castrum suum Joigne recipiat et habeat nostra et imperiali auctoritate decem solidos lausannensium denariorum nomine pedagii vel conductus de ceteris vero mercibus [et equis] per dictum castrum transeuntibus eodem nomine habeat et recipiat ad modum et consuetudinem castri de Cletis que conservabatur tempore confectionis presentium litterarum maxime ut dictus Johannes mercatoribus transeutibus [per dictum castrum infra terminos consuetos in terra dicti castri] securitatem justa posse [suum] prestare valeat in conductu Cum pedagium actenus in dicto castro de Joigne recipi consuetum onera conductus non valeat supportare item damus et concedimus eidem Johanni et heredibus suis [irrevocabiliter] quod im perpetuum recipiant [et habeant] de qualibet balla vel sacco seu saccis [seu trosello vel trosellis seu fardello vel fardellis] prout superius dictum est [undecumque sint tam de Bisuncio quam de aliunde] tam lanarum quam pannorum quam telarum piperis pellium [equorum] nec non ceterarum mercium prout superius est expressum transeuntium per archiepiscopatus Bisuntinum Lugdunensem Viennensem et episcopatum Valentinum decem solidos lausannensium denariorum nomine pedagii vel conductus Et hec omnia damus et concedimus dicto Johanni et heredibus suis irrevocabiliter in feodum ligium a nobis et sacro Romano imperio [successive] in perpetuum possidenda [habenda] et tenenda salva fidelitate comitis et ducis Burgundie Presentium testimonio litterarum inducimus rei testimonium et [in] memoriam perpetuam nostre majestatis sigillo premissa duximus roboranda Actum et datum in castris ante [Bernam] XV kalendas octobris [idibus septembris] indictione I anno Domini millesimo CC octogesimo octavo regni vero nostri anno XV