Charter Document - 02194537
| Charter Number: | 02194537 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1222 |
| Date type: | Internal, A.D., Calendar |
| Resource Link(s): |
Embedded Document CCE: cartae cluniacenses electronicae |
Charter:
C[onradus] miseratione divina Portuensis et Sancte Ruffine episcopus apostolice sedis legatus viro venerabili abbati et venerando conventui Cluniacensi in Christi visceribus karissimis salutem in Christo Jesu In ignominiam nominis relligionis convertitur ubi vallum non obviat discipline ubi correctionis terrore relegato impunitatem effrena securitas pollicetur et ubi seduli pastores in hujus noctis medio non vigilant super gregem Verum ad hec non ambigimus quin modernorum dierum malitia tot perturbationum agitant religionis professores estris tot malleis persecutionum contundunt et tot vexationum affligunt flagellis quod celse contemplationis otium inter profundi maris mundiales procellas navigantium transfert labores adeo ut frustra jam secus pedes Domini Maria sedere conetur quia Martha potius eam videtur inquietare quam Christo ministrare Hec igitur et alia circa canonicos regule Sancti Augustini apud Rocham de Salutrio in diocesi Masticonensi diutius et propensius considerantes ubi et gregis paucitas et paupertas tepiditas observantie disciplinalis predonum et bellantium undique circumfusorum oppressio defensorum destitutio et nonnulle alie importunitates et temporalia penitus consumunt et spiritualia annullare dinoscuntur auctoritate tam generalis legationis qua fungimur quam speciali domini pape qua nobis specialiter est indultum ut in domibus relligiosis in quibus dissolutio invaluit possimus personas alterius religionis constituere nihilominus ad flebilem et importunam instantiam majoris et sanioris partis canonicorum predictorum memorate domus canonicos vestro subicimus regimini et ipsam domum Roche de Salutrio cum omnibus pertinenciis suis vestre supponimus integre plene et libere tam spiritualiter quam temporaliter interius et exterius dispositioni et ordinationi Nimirum ad abundantiorem cautelam indulgentie domini pape tenorem presentibus duximus inserendum que talis est [] Supplicamus igitur vestre caritati et nihilominus auctoritate domini pape qua fungimur in hac parte districte precipientes quatinus ipsi domui de cetero in perpetuum tanquam speciali et spirituali filie vestre in spiritualibus et temporalibus provideatis ad honorem Jesu Christi et cultus sancte matris ecclesie incrementum habitum monasterii Cluniacensis canonicos dicte domus eundem habitum sponte volentes suscipere induentes etsi qui ibi forte fuerint qui antea habitum vestrum non petierint nec ultro petere voluerint vos ibi vel alibi ubi videritis expedire provideatis eisdem Statuimus etiam ut si quis in posterum huic nostre ordinationi et subjectioni monasterio Cluniacensi de predicta domo facte temere contradixerit aut rebellis fuerit ipso facto sit anathematis vinculo innodatus Datum Cistercii anno Domini MCCXXII IIII kal octobris
Markups
Names Markup:
C[onradus] miseratione divina Portuensis et Sancte Ruffine episcopus apostolice sedis legatus viro venerabili abbati et venerando conventui Cluniacensi in Christi visceribus karissimis salutem in Christo Jesu In ignominiam nominis relligionis convertitur ubi vallum non obviat discipline ubi correctionis terrore relegato impunitatem effrena securitas pollicetur et ubi seduli pastores in hujus noctis medio non vigilant super gregem Verum ad hec non ambigimus quin modernorum dierum malitia tot perturbationum agitant religionis professores estris tot malleis persecutionum contundunt et tot vexationum affligunt flagellis quod celse contemplationis otium inter profundi maris mundiales procellas navigantium transfert labores adeo ut frustra jam secus pedes Domini Maria sedere conetur quia Martha potius eam videtur inquietare quam Christo ministrare Hec igitur et alia circa canonicos regule Sancti Augustini apud Rocham de Salutrio in diocesi Masticonensi diutius et propensius considerantes ubi et gregis paucitas et paupertas tepiditas observantie disciplinalis predonum et bellantium undique circumfusorum oppressio defensorum destitutio et nonnulle alie importunitates et temporalia penitus consumunt et spiritualia annullare dinoscuntur auctoritate tam generalis legationis qua fungimur quam speciali domini pape qua nobis specialiter est indultum ut in domibus relligiosis in quibus dissolutio invaluit possimus personas alterius religionis constituere nihilominus ad flebilem et importunam instantiam majoris et sanioris partis canonicorum predictorum memorate domus canonicos vestro subicimus regimini et ipsam domum Roche de Salutrio cum omnibus pertinenciis suis vestre supponimus integre plene et libere tam spiritualiter quam temporaliter interius et exterius dispositioni et ordinationi Nimirum ad abundantiorem cautelam indulgentie domini pape tenorem presentibus duximus inserendum que talis est []embed Supplicamus igitur vestre caritati et nihilominus auctoritate domini pape qua fungimur in hac parte districte precipientes quatinus ipsi domui de cetero in perpetuum tanquam speciali et spirituali filie vestre in spiritualibus et temporalibus provideatis ad honorem Jesu Christi et cultus sancte matris ecclesie incrementum habitum monasterii Cluniacensis canonicos dicte domus eundem habitum sponte volentes suscipere induentes etsi qui ibi forte fuerint qui antea habitum vestrum non petierint nec ultro petere voluerint vos ibi vel alibi ubi videritis expedire provideatis eisdem Statuimus etiam ut si quis in posterum huic nostre ordinationi et subjectioni monasterio Cluniacensi de predicta domo facte temere contradixerit aut rebellis fuerit ipso facto sit anathematis vinculo innodatus Datum Cistercii anno Domini MCCXXII IIII kal octobris