Charter Document - 01991033
| Charter Number: | 01991033 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1221 |
| Date type: | Internal, Calendar, Papal |
| Resource Link(s): |
Reference Document for this Embedded Document People of Medieval Scotland |
Charter:
Honorius [servus servorum Dei] Dilectis filiis de Kelchou et de Driburc abbatibus et priori de Coldiham dioecesis sancti andree Salutem et apostolicam benedictionem Querelam dilectorum filiorum abbatis et conuentus de Dunfermeline recepimus continentem quod cum inter ipsos ex parte una et abbatem de Cupro Cisterciensis ordinis sancti andree dioecesis ex altera super ecclesiam de Bennauthin et rebus aliis coram decano de forfar et coniudicibus suis auctoritate nostra questio uerteretur ydem sentientes ex eo indebite se grauari quod acta iudicum secundum generalis statuta concilii redigere noluerunt in scriptis nostram audientiam appellarunt Quocirca discretioni uestre per apostolica scripta mandamus Quatinus si est ita reuocato in statum debitum quicquid inueneritis prius appellationem huiusmodi temere attemptatum in causam ipsam iuxta priorum continenciam litterarum appellacione remota ratione preuia procedatis alioquin partes ad priorum iudicum remittatis examen appellantes in expensis legitimis condemnantes Quod si non omnes hiis exequendis potueritis interesse duo uestrum ea nihilominus exequantur Datum Lateran ij kalendas Junii pontificatus nostri anno quinto