Charter Document - 01951279

H dei gratia rex Anglorum et dux Normannorum et Aquitanorum et comes Andegavorum archiepiscopis episcopis abbatibus prioribus comitibus baronibus iustitiariis vicecomitibus et omnibus ballivis et fidelibus suis salutem Sciatis me pro salute anime mee et patris mei et matris mee et antecessorum et successorum meorum et omnium fidelium defunctorum dedisse et concessisse in liberam et perpetuam elemosinam et presenti carta mea confirmasse deo et beate Marie et sancto Iohanni baptiste et beatis pauperibus sancte domus hospitalis Ierusalem et fratribus in eadem domo deo servientibus ad collocandas et sustentandas ibidem sorores ordinis sui locum de Bochland in quo ecclesia beate Marie et sancti Nicholai sita est cum omnibus pertinentiis suis ita quod prior hospitalis Ierusalem conventionavit michi quod in nulla alia domo sua in Anglia retinebit sorores ordinis sui nisi in predicta domo de Bochland Quare volo et firmiter precipio quod domus hospitalis Ierusalem et fratres in ea domo deo servientes omnia predicta habeant et teneant in libera et perpetua elemosina ad collocandas et sustentandas memoratas sorores ordinis sui sicut predeterminatum est bene et in pace libere et quiete integre et plenarie et honorifice in ecclesiis et capellis in terris in bosco et in plano in pratis et pasturis in communitate nemoris in moris et mariscis in vivariis et stagnis et piscariis in aquis et molendinis in viis et semitis et in omnibus aliis locis et aliis rebus ad ea pertinentibus cum omnibus libertatibus et liberis consuetudinibus suis Testibus B archiepiscopo Cantuariensi G Eliensi et G Roffensi episcopis H decano Eboracensi Godefrido de Lucy archidiacono Richemondie Hamelino comite Warenn Willelmo comite Arundell Ranulfo de Glanvyll Hugone de Cressy Rogero filio Rainfridi Hugone de Morewich et Hugone Bardulf dapiferis Michaele Belet Willelmo de Bendeng apud Westmonasterium