Charter Document - 01950162
| Charter Number: | 01950162 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1177 - 1181 |
| Date type: | Assigned |
| Resource Link(s): |
|
Charter:
Ricardus dei gratia Cantuariensis archiepiscopus totius Anglie primas et apostolice sedis legatus universis sancte matris ecclesie filiis ad quos presentes littere pervenerint eternam in domino salutem Ad universitatis vestre notitiam volumus pervenire nos concessisse et hac carta nostra confirmasse in liberam et perpetuam elemosinam ecclesie beate Marie de Fonte clericorum et monialibus ibidem divino mancipatis servitio ecclesiam de Sidingeburna cum omnibus pertinentiis suis sicut dominus Anglorum rex illustrissimus H eandem ecclesiam eis concessit et carta sua confirmavit Unde volumus et ea qua fungimur auctoritate precipimus ut prelibata ecclesia de Fonte clericorum et moniales eiusdem loci habeant et in perpetuum possideant prescriptam ecclesiam de Sidingeburna cum omnibus ad eam pertinentibus in terris decimis et omnimodis obventionibus seu rebus ad ipsam spectantibus Et ut hec nostre concessionis et confirmationis pagina firma et inconcussa permaneat eam sigilli nostri appositione duximus roborare statuentes et sub interminatione anathematis prohibentes nequis eandem confirmationis nostre paginam irrationabiliter infringere vel ei aliquatenus temere contraire presumat Testibus hiis Walerano Baiocensi Willelmo Glowecestriensi archidiaconis magistro Roberto de Inglesham Henrico Baiocensi magistro Rogero Norwicensi Iohanne capellano Ricardo et Galfrido clericis Willelmo de Sotindon et aliis pluribus