Charter Document - 01950063

Ricardus dei gratia Cantuariensis archiepiscopus totius Anglie primas et apostolice sedis legatus universis sancte matris ecclesie filiis ad quos presentes littere pervenerint eternam in domino salutem Libertates et possessiones que religiosis personis canonice collate esse noscuntur firma debent stabilitate gaudere et ne malignantium versutiis contra iuris ordinem aliquatenus inquietentur ex iniuncto nobis cure pastoralis officio tenemur cum ea qua possumus diligentia et sollicitudine providere Ea propter ad universitatis vestre notitiam volumus pervenire nos monasterium Burthoniense et fratres ibidem divino mancipatos servitio in protectione dei et ecclesie Cantuariensis et nostra suscepisse et eidem monasterio omnes libertates et possessiones quas in presentiarum iuste possidet vel in posterum iustis modis poterit adipisci concessisse et hac carta nostra confirmasse imperpetuum has propriis duximus exprimendas vocabulis ecclesiam videlicet de Stapenhell ecclesiam de Ufra ecclesiam de Wilenton ecclesiam de Lega ecclesiam de Bromlega ecclesiam de Ylum Sequentes etiam vestigia pie recordationis Theodbaldi et beati martiris Thome predecessorum nostrorum iuxta tenorem quoque cartarum sancte memorie Roberti Rogeri Walteri Ricardi episcoporum Conventrensium quasdam predicti monasterii Burtoniensis libertates duximus manifeste designandas scilicet ut nullam reddat consuetudinem pro crismate vel oleo sancto neque pro aliqua re parrochiali de parrochia Burtonie nec mittat hominem vel feminam de tota terra sua nec capellanum ecclesie Burthonie ad capitula vel synodos set in omni causa iustitiam teneat in curia sua quamdiu in exhibitione iustitie non defecerit Capellanus quoque nullam solvat consuetudinem vel exactionem episcopo Conventrensi vel archidiacono Staffordie aut eorum officialibus Quinque etiam solidos de denario beati Petri predicto Conventrensi episcopo sicut ab antiquo consuevit persolvat nec aliquid ulterius exigatur Prelibatas igitur possessiones et libertates sepe dicto monasterio Burthoniensi sicut ei sive a memoratis predecessoribus nostris sive a predictis episcopis Conventrensibus concesse sunt et confirmate nos quoque concedimus et confirmamus statuentes et sub interminatione anathematis prohibentes ne quis hanc nostre protectionis et confirmationis paginam infringere vel ei aliquatenus temere contraire presumat Testibus hiis magistro Gerardo Willelmo archidiacono Gloucestriensi magistro Roberto de Inglesham magistro R Norwicensi Henrico Baiocensi R clerico magistri Gerardi Rogero elemosinario Galfrido clerico Willelmo de Sotindon et pluribus aliis