Charter Document - 01761106

Bonefacius episcopus servus servorum Dei dilectis filiis Cantuariensibus et de Notingham Eboracensibus archidiaconis ac magistro Henrico de Nassington canonico Lincolnensium ecclesiarum salutem et apostolicam benedictionem Multiplicia probitatis merita dilecti filii Rogeri de Scardeburg clerici Ebor[acensis] dioecesis super quibus laudabile sibi testimonium fide digni perhibent nos inducunt ut ad personam suam apostolice munificencie dexteram extendamus Volentes igitur eidem Rogero huiusmodi meritorum suorum intuitu necnon et obtentu venerabilis fratris nostri archiepiscopi Dublinenensis nobis pro ipso supplicantis graciam facere specialem beneficium ecclesiasticum cum cura vel sine cura nulli alii de jure debitum consuetum ab olim clericis secularibus assignari ad collationem vel presentationem dilectorum filiorum de Burgo Sancti Petri aut de Bardenay monasteriorum abbatum et conventuum ordinis sancti Benedicti Lincoln[ensis] dioecesis communiter vel divisim pertinens quod dictus R[ogerus] duceret acceptandum si quod in civitate vel dioecese Lincoln[ensi] tunc vacabat vel quamprimum illud inibi vacare contingeret conferendum eidem Rogero cum omnibus juribus et pertinenciis suis ex tunc donationi apostolice reservavimus districtius inhibentes eisdem abbatibus et conventibus ne de huiusmodi beneficio ante huiusmodi acceptationem quam sibi vel procuratori suo ad hoc specialiter constituto eciam usque ad unum mensem postquam de ipsius beneficii vacatione ipsi Rogero vel dicto procuratori constaret facere liceret disponere vel ordinare quoquomodo presumerent ac decernentes ex tunc irritum et inane si secus de dicto beneficio per quoscumque scienter vel ignoranter contingeret attemptari Non obstante si aliqui super provisionibus sibi faciendis de beneficiis ecclesiasticis ad ipsorum abbatum et conventuum collationem vel presentationem spectantibus speciales vel generales apostolicas quibus per hoc nullum voluimus prejudicium generari litteras impetrassent sive si eisdem abbatibus et conventibus a sede apostolica esset indultum quod ad receptionem vel provisionem alicuius minime tenerentur et ad id compelli non possent quod que de beneficiis ad eorum collationem seu quamcumque dispositionem conjunctim vel separatim spectantibus nequiret alicui provideri per litteras apostolicas non facientes plenam et expressam ac de verbo ad verbum de indulto huiusmodi mentionem et qualibet ipsius sedis indulgentia generali vel speciali cuiuscumque tenoris existeret per quam nostris litteris non expressam vel totaliter non insertam effectus huiusmodi gracie impediri vel differri valeret et de qua in eisdem nostris litteris specialis mentio esset habenda Quocirca discretioni vestre per apostolica scripta mandamus quatinus vos vel duo aut unus vestrum per vos vel per alium seu alios huiusmodi reservationem inhibitionem et decretum ad predictorum abbatum et conventuum noticiam deducentes huiusmodi beneficium per nos taliter reservatum si quod tempore huiusmodi nostre reservationis in predictis civitate vel dioecese vacabat vel quam cito ipsum inibi vacare contigerit postquam ab eodem Rogero vel dicto procuratore pro eo infra dictum tempus fuerit acceptatum eidem Rogero cum omnibus juribus et pertinenciis suis auctoritate nostra conferre et assignare curetis inducentes eum vel dictum procuratorem pro ipso in corporalem possessionem predicti beneficii jurium et pertinenti arum eorundem et defendentes inductum facientes sibi de ipsius beneficii fructibus reditibus proventibus et juribus universis integre responderi Non obstantibus omnibus supradictis sive si dictis abbatibus et conventibus vel quibuscumque aliis communiter vel divisim a prefata sede indultum existat quod excommunicari aut interdici nequeant vel suspendi contradictores per censuram ecclesiasticam appellatione postposita compescendo Data Rome apud Sanctum Petrum vij idus Julii pontificatus nostri anno quarto