Charter Document - 01760106

Willelmus de Pykering archidiaconus Notinghame in ecclesia Ebor[acensis] provisor et executor ad infrascripta una cum venerabilibus viris et discretis archidiacono Cantuariensi ac magistro Henrico de Nassington canonico Linc ecclesiarum a sede apostolica deputatus religiosis viris et discretis dominis abbati et conventui monasterii de Burgo Sancti Petri ordinis sancti Benedicti Linc dioecesis salutem et mandatis apostolicis reverentiam in singula obedire Litteras sanctissimi patris et domini nostri domini Bonefacii divina providencia pape octavi cum vera bulla plumbea ipsius et integro filo serico rubei et crocei coloris bullatas non viciatas non cancellatas non abolitas non abrasas nec in aliqua sui parte corruptas que discreto viro Rogero de Scardeburg clerico Ebor[acensis] dioecesis diriguntur ac alias litteras apostolicas nobis presentatas cum vera bulla plumbea eiusdem domini pape et integro filo canap bullatas similiter non viciatas non cancellatas non abolitas nec in aliqua sui parte corruptas sed omni suspicione carentes que dictis collegis nostris et nobis diriguntur cum ea qua decuit reverentia recepimus tenores et formas huiusmodi continentes [] Nos igitur Willelmus provisor et executor predictus litteris apostolicis supradictis reverentis receptis huiusmodi mandatum apostolicum nobis et dictis executoribus nostris directum volentes tanquam obediencie filius juxta sui tenorem exequi ut tenemur predictas graciam reservationem inhibitionem et decretum factas fuisse per sententiam pontificem ut premittitur ac universa et singula contenta in litteris apostolicis antedictis vobis abbati et conventui conjunctim et divisim ac aliis omnibus et singulis quorum interest infirmamus ad vestramque noticiam et aliorum quorum interest tenore presentis deducimus instrumenti collationi et provisioni nostre immo verius apostolice beneficium ecclesiasticum dicto Rogero vel suo procuratori eius nomine conferendum cum omnibus juribus suis et pertinenciis nulli alii de jure debitum consuetum ab olim clericis secularibus assignari cum cura vel sine cura ad collationem vel presentationem vestram pertinens communiter vel divisim si quod tempore reservationis apostolice vel post in dictis civitate vel dioecese Lincoln vacaverat vel vacavit vel nunc vacat quod idem Rogerus vel procurator suus ad hoc specialiter constitutus duxerit acceptandum usque ad mensem postquam sibi de ipsius beneficii vacatione vel suo procuratori constiterit reservamus Si vero in dictis civitate vel dioecese Lincoln tale non vacat beneficium nec vacavit nos primum vacaturum ibidem ad collacionem vel presentationem vestram pertinens communiter vel divisim quod idem Rogerus vel procurator suus eius nomine usque ad mensem postquam sibi vel procuratori suo constiterit duxerit acceptandum cum omnibus juribus suis et pertinenciis predicto Rogero conferendum nulli alli de jure debitum consuetum ab olim clericis secularibus assignari juxta tenorem mandati apostolici supradicti collationi et provisioni nostre immo verius apostolice reservamus inhibentes vobis abbati et conventui conjunctim et divisim et singul de conventu ne beneficium per nos taliter reservatum vel aliquod jus pertinens ad ipsum beneficium ante acceptationem dicti Rogeri vel sui procuratoris usque ad mensem ut premittitur vel post acceptationem eiusdem alicui conferre vel assignare vel ad beneficium ipsum infra dictum tempus alium presentare vel quicquam aliud in elusionem mandati nostri immo verius apostolici vel dicti Rogeri prejudicium presumatis attemptare per vos vel per alium seu alios publice vel occulte Decernentes ex nunc prout ex tunc irritum et inane si secus super hiis scienter vel ignoranter a vobis communiter vel divisim vel quovis alio ante acceptationem dicti Rogeri vel sui procuratoris usque ad mensem a tempore sue noticie vel procuratori sui computandum vel post acceptationem eiusdem fuerit attemptatum aut in futurum contigerit attemptari Si enim vos domine abbas et conventus communiter vel divisim vel aliquis de conventu impedimentum prestiteritis in premissis vel premissorum aliquo alium ante acceptationem dicti Rogeri vel sui procuratoris usque ad mensem ut premittitur vel post acceptationem eiusdem quovis quesito colore presentando vel beneficium ipsum infra dictum tempus alteri conferendo vel alias quomodo libet reluctando per vos vel per alium seu alios publice vel occulte In vos abbatem et quoscumque in dicto vestro monasterio officium seu administrationem habentes vel tenentes quocumque nomine censeantur et in omnes alios et singulos qui se predictis gracie reservationi inhibitioni decreto vel in predictis litteris apostolicis contentorum aliquibus se opponunt quomodo libet vel opponent vel obvia in dictum Rogerum vel elusionem mandati nostri immo verius apostolici machinantur vel machinari presumunt quomodo libet vel procurent beneficium ante acceptationem dicti Rogeri vel sui procuratoris usque ad mensem ut premittitur vel post acceptationem eiusdem ad presentationem dictorum abbatis et conventus communiter vel divisim recipiendo vel quod jus aliud impedimentum prestando consilio auxilio vel favore directe vel indirecte clam vel palam per se vel alium seu alios vel qui plene in hac parte nostris immo verius apostolicis non peribunt mandatis et in presentantes et recipientes beneficium ipsum sub quovis colore quesito vel presentari seu recipi procurantes necnon et in omnes contradictores singulos et rebelles qui in premissa vel eorum aliquod reluctare presumpserint quoquomodo quominus premissa vel eorum aliquid suum expedite sortiantur effectum sentenciam excommunicationis majoris promulgamus in hiis scriptis monasterium vestrum nihilominus interdicto ecclesiastico supponentes ex nunc si premissis vel eorum aliquibus per vos vel alium seu alios clam vel palam obviare presumpseritis quoquomodo Contra vos et alios quoscumque cuiuscumque fuerint conditionis ordinis auctoritatis et status dictum Rogerum vel procuratorem suum impedientes in premissis vel premissorum aliquo ad penas alias processuri prout facti qualitas exegerit et nobis videbitur expedire Presens autem instrumentum cum litteris apostolicis volumus apud dictum Rogerum vel eius procuratorem remanere nec per vos vel alium quemcumque detineri Immo si aliquis presens instrumentum vel dictas litteras apostolicas per vim vel contra voluntatem dicti Rogeri vel sui procuratoris detinere presumpserit sentenciam excommunicationis majoris quam ex nunc ferimus in hiis scriptis incurrat per processus nostros collegis nostris vel eorundem commissariis prejudicare nolumus qui ipsi et eorum alter hoc cum nostro servato processu per se vel alium seu alios procedere valeant prout de jure poterunt et debebunt Retinemus insuper nobis plenam potestatem et liberam addendi mutandi corrigendi revocandi detrahendi emendandi exequendi supplendi adimplendi declarandi interpretandi et faciendi quicquid per nos minus bene aut minus plene in premissis vel eorum aliquo vel circa premissa vel eorum aliquod factum fuerit neglectum peccatum vel eciam pretermissum et quicquid ad plenam huiusmodi mandati apostolici executionem viderimus expedire In quorum omnium testimonium et evidenciam pleniorem nos supradictus Willelmus provisor et executor predictus presens instrumentum nostrum que processum ac omnia et singula suprascripta scribi et publicari mandamus et in publicam formam redigi per notarium infra scriptum nostrumque sigillum apposuimus instrumento presenti Acta lecta et publicata prolata et pronunciata predicta fuerunt in ecclesia parochiali de Athelyngflet Ebor dioecese sub anno Domini ab incarnatione millesimo ducentesimo nonagesimo nono indictione duodecima prima die mensis Junii pontificatus domini Bonifacii pape octavi anno quinto Presentibus domino Radulpho de Haluhgton rectore ecclesie de Derton Ebor dioec domino Willelmo de Houeden capellano Roberto de Suthdalton Thoma de Athelyngflet clericis testibus ad hoc specialiter vocatis et rogatis Et ego Ricardus natus quondam Henrici de Ganyo clericus Couventrens et Lichefelden dioecesis sacri Romani imperii auctoritate notarius publicus predictis omnibus coram reverendo viro magistro Willelmo de Pykering archidiacono Notinghame supradicto apud Athelyngflet actis una cum dictis testibus presens interfui et sigillum suum vidi per eum presenti instrumento apponi et predicta omnia de mandato eiusdem magistri Willelmi propria manu scripsi et publicavi ac in publicam formam redigi et illud interlineare si suprascriptum in tercia decima linea una cum interlineari reditibus in tricesima secunda linea descendendo propria manu scripsi corigendo que omiseram per errorem et postmodum signum meum presenti instrumento apposui consuetum rogatus