Charter Document - 01739208

Bonifacius episcopus seruus seruorum Dei dilectis filijs Abbati et conuentui monasterij Loci Benedicti de Stanlawe Cisterc ordinis Couentr et Lich dioecesis salutem et apostolicam benedictionem Sub sacre religionis habitu mundi spretis illecebris que cum blandiuntur illudunt virtutum domino militantes per laudabilium actuum studia meruisse noscimini ut apostolice sedis consueta benignitas fauorabiliter annuens votis vestris illius vos et monasterium vestrum gratie munere persequatur que vobis et ei fore dinoscitur opportuna Exposita siquid nobis petitio continebat quod cum olim in monasterio quod tunc in loco qui Locus Benedictus de Stanlawe Cisterciensis ordinis Couentr et Lich dioecesis vulgariter dicitur habitabatis propter inundationes equoreas cum mare dicto monasterio sit vicinum ac alias etiam incommoditates multiplices absque graui manere periculo non possetis Venerabilis frater noster Couentr et Lich episcopus benigne intendens super hoc diuine pietatis intuitu salubriter prouidere transferendum monasterium ipsum ad alium locum quem dilectus filius nobilis viris H de Lascy comes Linc monasterii memorati patronus duceret deputandum vobis concessit auctoritate ordinaria facultatem ac idem comes gerens in votis ad locum in quo ecclesia de Whalleye eiusdem dioecesis in qua ipse nullusque alius ius patronatus habebat monasterium transferri prefatum tam patronatus quam omne ius aliud quod in eadem sibi competebat ecclesia pio ductus affectu ea vobis intentione concessit ut ad locum eundem dictum monasterium transferretur et de prouentibus eiusdem ecclesie xx monachi ultra numerum monachorum in prefato monasterio solitum obseruari in eorum assumendi collegio congrue sustentationis stipendia obtinerent qui per Romanorum Pontificum dictique Comitis animarum salute deuotas preces Altissimo fundere tenerentur Felicis quoque recordationis Nicholaus papa iiij predecessor noster volens vos ubere fauoris et gratie prosequi specialis sepe fatam ecclesiam cum omnibus capellis iuribus et pertinentijs suis vobis vestrisque successoribus in usus proprios concessit et auctoritate apostolica inperpetuum deputauit eadem vobis auctoritate nihilominus concedendo ut cedente vel decedente ipsius ecclesie rectore possetis possessionem illius auctoritate apprehendere propria cuiusuis assensu minime requisito Vobisque licentiam tribuit predictum monasterium ad locum prefatum ubi iam dicta consistit ecclesia sine iuris alieni preiudicio transferendi Reseruata de prouentibus eiusdem ecclesie vicario perpetuo inibi servituro ad vestre presentationis instantiam per dioecesanum instituendum predictum congrua portione de qua commode sustentari valeat iura episcopalia soluere ac alia eidem ecclesie incumbentia onera supportare prout in literis predecessoris eiusdem super hoc confectis plenius dicitur contineri Sicque vacante postmodum ecclesia supradicta per obitum quondam Petri de Cestria rectoris eiusdem vos possessionem ipsius ecclesie fuistis pacificam assecuti ac demum ad locum eundem prenominatum transferre monasterium curauistis Verum quia uniuersas prouisiones reseruationes et concessiones quibuscunque personis a predecessore factas eodem de quibusuis ecclesijs et ecclesiasticis beneficijs vacaturis per constitutionem a nobis ante vacationem ipsius ecclesie editam cassauimus irritauimus et vacauimus cassas irritas et vacuas nunciauimus Vos metuentes vobis ex cassatione irritatione et vacuatione huius per eo quod post constitutionem ipsam licet antequam de ea ad vestram perueniret notitiam ecclesie predicte fuistis possessionem adepti circa eandem ecclesiam preiudicium imminere nobis humiliter supplicastis ut prouidere super hoc paterne sollicitudinis studio dignaremur Nos itaque volentes vos diuine pietatis intuitu et consideratione dilecti filij nostri Roberti T T sancte Potentiane presbiteri cardinalis nobis super hoc cum instantia supplicantis prosequi dono gratie specialis translationem huius monasterij supradicti ad locum eundem et concessionem ipsius ecclesie de Whalleye sicut premittitur vobis factam auctoritate apostolica ex certa scientia approbamus vobis auctoritate predicta nihilominus indulgentes ut vos in prefato loco sub vestri obseruantia ordinis perpetuo remanentes omnibus priuilegijs indulgentijs concessionibus libertatibus et immunitatibus que ante translationem monasterij memorati nos cibamini obtinere uti libere sicut prius Et predictam ecclesiam cum omnibus capellis bonis iuribus et pertinentijs suis iuxta tenorem concessionis predecessoris eiusdem in usus proprios siue obsistat hiis nostra cassatio seu constitutionis editio siue non perpetuo retinere Confirmamus insuper auctoritate predicta portiones terrarum reddituum et prouentuum vicarie loci predicti de Whalleye per vos sicut asseritis perpetuo vicario ibidem sicut predicitur Domino seruituro ad sustentationem ipsius et iura episcopalia aliaque onera supportanda que prefate incumbunt ecclesie secundum quod idem predecessor voluit assignatas Nulli vero omnino hominum liceat hanc paginam nostre approbationis concessionis et confirmationis infringere vel ei ausu temerario contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum se nouerit incursurum Dat apud urbem veterem xij kalendas Julij pontificatus nostre anno tertio