Charter Document - 01471019
| Charter Number: | 01471019 |
|---|---|
| Cartulary Title: | Durham Annals and Documents of the Thirteenth Century |
| Charter Language: | Latin |
| Charter Origin: | Religious |
| Charter Type(s): | Resignation |
| Date: | 1260 - 1273 |
| Date type: | Assigned |
| Resource Link(s): |
Reference Document for this Embedded Document |
Charter:
Reuerendo patri in Christo domino R dei gracia suus si placet humilis et deuotus Hugo prior Dunelmensis ecclesie salutem et tam deuotam quam debitam cum omni reuerencia obedienciam Quanta corporis angustia quot quibusque laboribus ac tediis infirmitati nostre importabilibus commissi nobis regiminis onus supra virium nostrarum quantitatem ad vestre paternitatis iussionem et magnam fratrum instanciam per multum temporis inuite sustinuimus nouit ille qui corda scrutatur et renes nec vos latere debet cum cor nostrum ac statum tanquam patri ac domino karissimo frequenter vobis aperuimus Verum quia pondus egritudinis nos indies superoneret et aggrauat in tantum quod corporee uirtutis in nobis iam deficiente vigore inbecillitas nos ad supradicti regiminis onus ulterius supportandum omnino reddit impotentes necessario compellimur tante sarcine molem deponere ne sub onere pressi periculose succumbamus et quibus preesse deberemus ad comodum et salutem nobiscum quod absit ad ruinam trahamus et interitum Quapropter officium prioratus Dunelmensis cuius onus ut prediximus virium nostrarum mensuram funditus excedere perpendimus per has litteras nostras patentes in manus sancte paternitatis uestre resignamus venerande dominacionis vestre uestigiis prouoluti quanta possumus precum instancia attencius exorantes quatinus si placet cessionem nostram benigne uelitis admittere ut per alium virum ydoneum quem conuentus eiusdem loci secundum deum canonice elegerit yndemnitati predicte domus valeat prouideri Valeat [] Dat []