Charter Document - 01448064

Viris venerabilibus priori de Bradenstok archidiacono Bathon et decano de Cyrencestre cancellarius Sancti Pauli Londonie et magistri W et W de Sancte Marie ecclesia et de Purle salutem Mandatum domini pape in hec verba suscepimus [] Hujusmodi igitur auctoritate mandati vobis mandamus quatinus de dicta causa cognoscatis vices nostras ad totam causam committentes eo quod variis et aliis arduis negotiis detenti cognitioni dicte cause interesse non possumus ratum et gratum habituri quicquid in dicta causa coram vobis actum fuerit Idem partibus signamus Hujusmodi igitur auctoritati mandati partibus coram nobis comparentibus dictus J rector ecclesie de Credewelle nomine ecclesie ejusdem in hene modum suam fundavit intentionem Petit a vobis decimas garbarum in villa de Credewelle et in villa de Estcote et in Westcredewelle et in Cholewrthe et in Morcote quas decimas injuste percipitis eo quod de jure pertinent ad ecclesiam suam de Credewelle in quarum possessione fuit dicta ecclesia ab antiquo et intendit possessorium et petitorium Item petit a vobis decimas novem hidarum quas hidas tenetis in dominico que de jure pertinent ad predictam ecclesiam et in quarum possessione fuit eadem ecclesia ab antiquo Super hiis etiam intendens possessorium et petitorium Item petit a vobis decimas feni de toto dominico vestro in parochia de Credewelle quas dicit de jure ad ecclesiam suam pertinere super hiis intendens petitorium Item petit decimas de Brech pertinentes ad dictam ecclesiam de jure eo quod site sunt inter limites parochie sue super hiis similiter intendens petitorium Petit etiam obventiones et oblationes in capella Sancti Laurencii sita in curia vestra de Credewelle ad ecclesiam suam de jure pertinentes in quarum possessione fuit ecclesia multo tempore et intendit possessorium et petitorium Dicit etiam quod dicti abbas et conventus spoliaverunt ecclesiam suam de secundo meliori averio omnium decedentium parochianorum suorum ad que etiam petit restitui Dictorum vero abbatis et conventus procurator litem contestando reddit quod decimas garbarum in villa de Credewelle et in villa de Estcote et in Westcredewelle et in Chollewrthe et in Morcote injuste non percipiunt quia eas percipient ex concessione et donatione venerabilis patris R Sarum episcopi qui easdem contulit monasterio de Malmesburia et monachis ibidem Deo servientibus cum assensu et voluntate totius capituli Sarum ad augmentum hospitalitatis et nomine perpetui beneficii futuris et perpetuis temporibus concessit possidendas Quarum collationem et concessionem monasterio de Malmesburia dixit procurator esse confirmatam a venerabilibus patribus felicis recordationis Innocentio Eugenio Anastasio Adriano et Alexandro in quorum priveligiis monasterio de Malmesburia indultis hec clausula continetur Statuentes ut quascumque possessiones quecumque bona idem monasterium in presentiarum juste et canonice possidet aut in futurum concessione pontificum largitione regum oblatione fidelium seu aliis justis modis Deo propitio poterit adipisci firma tibi tuisque successoribus et illibata permaneant Nos igitur admissis utriusque partis probationibus auditis confessionibus et disputationibus examinata etiam tam carta episcopi et capituli super collatione facta quam privilegiis venerabilium patrum nostrorum Romanorum pontificum supra enumeratorum dictos abbatem et conventum ab impetitione dicti J rectoris ecclesie de Credewelle super dictis decimis perpetuum eidem et omnibus successoribus suis imponendo silentium in nomine Patris et Filii et Spiritus Sancti seni aliter absolvimus Ad tres etiam articulos hunc sequentes in editione litem contestando reddit dictus procurator quod injuste petit dictus J rector decimas novem hidarum quas abbas et conventus tenent in dominico in villa de Credewelle et etiam decimas feni de dominico suo Injuste etiam petit decimas novalium suorum cum sit monasterio de Malmesburia indultum a Sede Apostolica ut nec de dominico nec de hiis que propriis sumptibus excolunt vel de novalibus eorum decimas persolvant