Charter Document - 01099091
| Charter Number: | 01099091 |
|---|---|
| Cartulary Title: | Cartularium Abbathiae de Rievalle [Rievaulx] |
| Charter Language: | Latin |
| Charter Origin: | Religious |
| Charter Type(s): | Taxation |
| Date: | 1280 |
| Date type: | Internal, A.D., Feast |
| Resource Link(s): |
Reference Document for this Embedded Document |
Charter:
Universis praesentes litteras visuris [] Frater humilis Abbas Monasterii de Rivallibus et totus Conventus ejusdem loci Cist Ordinis Ebor Dioceseos salutem in Domino Noveritis nos teneri et praesentibus obligari ex causa mutui et emptionis lanae Hugelino de Vithio et Lotherio Bonaguide sociis civibus et mercatoribus Florenciae tam pro se quam pro domino Manetho de Scala Petro Benencase Jacobo filio ejus et Johanne filio quondam Aymeri Cose Moiello Bonsone et aliis eorum sociis civibus et mercatoribus Florenciae in centum quadraginta et quatuor marcis bonorum novorum et legalium sterlingorum tresdecim solidis et quatuor denariis qualibet marca computatis et in tribus saccis et dimidio bonae lanae Domus nostrae bene brisatae praeparatae et ponderatae secundum usum et consuetudinem Domus praedictae Quas quidem per taxationem centum quadraginta et quatuor marcas sterlingorum et praedictos tres saccos et dimidium lanae promittimus et tenemur per legitimam stipulationem solvere et deliberare dictis mercatoribus vel uni [eorum] aut eorum certo nuntio has litteras deferenti in nundinis S[ancti] Botulfi apud S Botulfum infra unum mensem proximum post festum Nativitatis S[ancti] Johannis Baptistae A[nno] D[omini] MCC octogesimo sine ulteriore dilatione
Source (click image below to view full size)
