Charter Document - 01060070

Omnibus sancte matris ecclesie filiis Frater G dictus abbas cisterciensis totusque conuentus abbatum capituli generalis eternam in Domino salutem Nouerit vniuersitas uestra quod cum causa que uertebatur inter domos de Pola et de Cu[m]hyr auctoritate nostra H de Alba Domo A de Dora et K de Kayrlyon abbatibus terminanda committeretur tandem per compromissionem in arbitros taliter quieuit sicut in subscripta forma continetur Omnibus Christi fidelibus ad quos presens scriptum peruenerit H de Alba Domo A de Dora et K de Kayrlyon dicti abbates eternam in Domino salutem Mandatum capituli generalis in hec uerba suscepimus [] Huius igitur auctoritate mandati iudicta causa procedentes post uarias altercationes per compromissionem in arbitros tandem lis sopita est sub hac forma G abbas de Pola ex consensu conuentus sui et A abbas de Cu[m]hyr ex consensu conuentus sui comperentes assotiatis sibi de senioribus et consiliariis domorum suarum circitur quinquaginta personis compromiserunt in nos H de Alba Domo et K de Kayrlyon eiusdem cause abbates executores P etiam abbatem de St[ra]tflur S et A de Dora et de Kayrlyon subpriores quod starent nostro arbitrio superdictis terris et omnibus aliis quas in presentiarum possident tam illi de Pola quam illi de Cu[m]hyr sub pena centum marcharum soluenda alteri ab illa parte que resiliret Factum est autem hoc arbitrium anno gratie mccxxvij Idus Iulii apud Redenorum in hac forma videlicet quod tota terra que monachorum est modo inter Luyth et Buga a mora sursum que est supra Peruet Menith indirectum per medium diuidatur in longum quamdiu durauerit siue usque Pemlumon siue usque ad quemlibet alium locum ita ut dimidietur inter duas domos et illa medietas que est uersus Luyth remaneat illis de Pola et ab illa medietate totam terram de Cumbuga et Blayn Guy in terminis suis habeant illi de Cumhyr Inter Chorw autem et Enyaum illam partem que pertinet ad Credig[iaun] habeant illi de Cumhyr et illam partem que pertinet ad Keueyllauc habeant illi de Pola De xx uero et j libris quondam receptis pro Cumbuga et modo per generale capitulum adiudicatis domui de Pola duas partes habeant monachi de Pola et tertiam partem monachi de Cumhyr Preterea omnes terre que in presentiarum tam a monachis de Pola quam a monachis de Cu[m]hyr possidentur ab inuicem inperpetuum sine calumpnia permanebunt et omnia scripta et munimenta huic arbitrio aduersantia pro nichilo habeantur Quicumque uero monachi uel conuersi hanc formam pacis infirmare contenderint a domibus propriis usque in remotas domos extra Walliam emittantur non reuersuri ni per generale capitulum et quicumque celauerint aliquod instrumentum quod huic compositioni prodesse potuerit uel retinuerint de cetero ni ex consensu patris abbatis excomunicentur Hanc autem compositionis formam in capitulis utriusque domus legi fecimus cui non est contradictum Et ut ista compositio rata et inconcussa permaneat inperpetuum dicti arbitri et G de Pola et A de Cu[m]hyr et T de Valle Crucis abbates una nobis cum presenti scripto de consensu utriusque conuentus sigilla sua apposuerunt Hiis testibus Kenweryc de Kayrlyon Hoytlev de Alba Domo et Dolphino de St[ra]tflur Rycardo de Bruerya et Nicholao de Buldwas monachis Caducano filio Ythael de St[ra]tflur Dauid de Abercon[wy] conuersis Hanc igitur formam compositionis ut rata et inconcussa inperpetuum maneat auctoritate nostra et sigilli nostri inpressione duximus confirmandam firmiter precipientes ut neutra pars hanc pacis formam aliquatenus de cetero infirmare contendat