Charter Document - 00848607

[Clemens episcopus servus servorum Dei] venerabili fratri Coventr et Lich episcopo et dilecto filio Willelmo archidiacono Notinghamie in ecclesia Ebor salutem et apostolicam benediccionem Sacre religionis honestas sub qua dilecti filii Abbas et Conventus monasterii Sancto Germano de Seleby ordinis Sancti Benedicti Ebor dioeceses devotum Domino famulatum impendunt promeretur ut peticionibus eorum benignum impertientes assensum illam eis graciam faciamus qua sibi fore conspicitur oportuna Cum ittaque sicut exhibita nobis ex parte ipsorum Abbatis et Conventus peticio continebat ipsi ecclesiam dicti monasterii utpote nimia vetustate consumptam reparare intendant opere plurimum sumptuoso dictumque monasterium sic faciente malicia temporis in propriis redditibus adeo diminutum ac tot et tantis debitorum oneribus pregravatum quod nedum ad reparacionem hujusmodi faciendam sed nec ad relevandas necessitates eorundem Abbatis et Conventus hospitalitatem servandam in ipso monasterio consuetam ac alia eis incumbencis onera supportanda proprie ipsis non suppetunt facultates Nos volentes prefatis Abbas et Conventus super hiis de alicujus subvencionis remedio providere eorum supplicacionibus inclinati parochialem ecclesiam de Athelingflet dicte dioecesis in qua ipsi Abbas et Conventus jus patronatus habebant cum omnibus juribus et pertinentiis suis tam pro reparacione facienda predicta quam Divini cultu Nominis inibi augmentanda ac necessitatibus relevandis eisdem predictis Abbas et Conventus eorumque successores in usus proprios perpetua [auctoritate apostolica] duximus deputandam ita quod cedente vel decedente ecclesie predicte de Athelingflet rectore vel alio quovis modo ecclesia ipsa vacante Abbas et Conventus vel successores prefati possessionem illius auctoritate propria ingredi ac apprehendere libere valeant eamque in usus licite retinere predictos dioecesani seu archidiaconi loci aut cujusquam alterius assensu minime requisito reservata de ipsius ecclesie proventibus pro vicario in ea perpetuo servituro congrua porcione ex qua comode sustentari valeat et episcopalia et alia incumbencia ei onera supportare Quocirca discrecioni nostre per [apostolica scripta mandamus] quatenus vos vel alter vestrum per nos vel alium seu alios [auctoritate nostra eosdem] Abbatem et Conventum aut successores vel procuratorem suum eorum nomine dicto rectore cedente vel decedente aut alias quovis modo ecclesia ipsa vacante nihilominus in corporalem possessionem ecclesie jurium et pertinencium predictorum inducatis et defendatis inductos facientes eis de illorum fructibus redditibus proventibus juribus et obvencionibus universis integre responderi dictamque porcionem taxatis prout consideratis ipsius ecclesie facultatibus sustentacione dicti vicarii ac omnibus ei incumbentibus et aliis supradictis videritis expedire non obstante si aliquibus [a sede Apostolica sit indultum quod interdici suspendi vel excommunicari non] possint [per literas Apostolicas] non facientes plenam et expressam ac de verbo ad verbum de indulto hujusmodi mencionem contradictores auctoritate nostra appellacione postposita compescendo Dat Lugduni Kalendas Februarii pontificatus [nostri anno primo]