Charter Document - 00840607

In Dei nomine Amen Nos Willelmus de Pykering archidiaconus Notinghamie executor una cum venerabili patre domino Coventr et Lich episcopo [auctoritate sanctissimi patris domini Clementis pape] quinti ad inducendum viros religiosos Abbatem et Conventum de Seleby in corporalem possessionem ecclesie de Athelingflet Ebor dioeceses eisdem religiosis per eundem [patrem] in usus proprios concesse et ad taxandum congruam porcionem pro vicario in eadem ecclesia perpetuo servituro conjunctim et divisim deputatus sicut ex tenore litterarum [predicti sanctissimi patri] quas sub [vera bulla in filo canapis pendente bullatas non cancellatas non abolitas] nec aliqua parte viciatas recepimus in hec verba [] [Consideratis] ipsius ecclesie facultatibus sustentacione dicti vicarii ac omnibus incumbentibus [tibi] et omnibus aliis qua [mandato Apostolico nobis] in hac parte directo plenius continentur decernimus et pronunciamus quod vicarius qui pro tempore fuerit pro sustentacione sua habeat et percipiat imperpetuum unum mansum in villa de Athelingflet cujus longitudo quinque perticatas terre et latitudo quinquaginta pedes contineat unam bovatam terra in campo ejusdem ville et quatuor acras prati eidem bovate pertinentes cum communi pastura et sufficienti turbaria pro suis dumtaxat necessariis unam placeam pro bercaria juxta bercariam dictorum Abbas et Conventus de Seleby que contineat sexaginta pedes in longitudine et viginti quinque pedes in latitudine totam decimam foeni de baronia infra parochiam ecclesie de Athelyngflet predicte decimam lini canabis curtilagiorum pullorum aucarum gallinarum purcellorum lactis lane et agnorum necnon quascunque decimas personales et quadragesimales de tenentibus de dicta baronia rebus et animalibus eorundem [omnia] mortuaria pro defunctis et denarios sponsalicias de hujusmodi tenentibus quascunque minutas decimas et oblaciones de predictis tenentibus una cum oblacionibus factis ab aliis personis quibuscunque in purificacionibus sponsalibus et celebracione missarum pro defunctis qui sunt de predicta baronia omnes oblaciones qualitercunque venientes ad truncum sancte Crucis in ecclesia de Athelingflet memorata taxantes porcionem ipsius vicarii in omnibus et singulis particulis supradictis ad supportandum onera episcopalia et alia que incumbunt que quidem decretum pronunciacionem et taxacionem nostra predicta dicti Abbas et Conventus per Willelmum de Kendal procuratorem eorum ad hoc specialiter constitutum cujus procuratori tenor talis est [] Et Robertus de Thorp vicarius dicte ecclesie personaliter coram nobis ad audiendum taxacionem nostram super porcione ipsius vicarii constitutus pro se et successoribus suis quibuscunque acceptarunt approbarunt ratificaret et expresse emo legarunt Nosque Archidiaconus executor predictus omnia et singula premissa per Thomam de Whitewell clericum notarium publicum scribi mandavimus et in publicam formam redigi nostrumque sigillum apposuimus instrumento presenti Acta et data in majori Ecclesia Ebor anno ab Incarnacione Domini secundum cursum et computacionem ecclesie Anglicane millesimo trecentesimo septimo indiccione quinta duodecimo die mensis Sept presentibus domino Johanne capellano de Scardeburgh et magistro Ada de Pikering clericis testibus ad premissa vocatis specialiter et rogatis Et ego Thomas de Whitiwell clericus Ebor dioec auctoritate imperiali notarius publicus predictis decreto pronunciacioni et taxacioni prout supra scribuntur una cum dictis testibus presens interfui anno indiccione die mensis et loco prenotatis et sigillum predicti domini Archidiaconi executoris presentibus literis per eum apponi vidi eaque de mandato suo propria manu mea scripsi et in publicam formam redegi meoque signo signavi rogatus