Charter Document - 00720240

Universis sancte matris ecclesie filiis hoc scriptum visuris vel audituris Radulfus miseratione divina Karl episcopus salutem in Domino sempiternam Universali ecclesie tanto nos proficere vehementius credimus quanto viris religiosis quos sanctam ecclesiam orationum suarum instancia potissimum fultire supponimus ad orandum incessabilius atque sincerius nostra sollicitudine reddidimus expeditos In quo haut dubium convalescimus si ipsos bona sua caritative collata optinere inconcussi viliter quantum ad nos pertinet procuremus Ut igitur donationes concessiones et confirmationes ecclesiarum de Lanrecost cum capella de Treuerman de Walton de Yrthington de Brampton de Farlam de Leysingby et de Grenesdale nostre dioecesis religiosis viris priori et conventui dicte ecclesie de Lanrecost factas quas iidem religiosi in usus proprios possident et diu canonice possederunt faciamus inconcussi biles atque firmas inspectis donatorum cartis et predecessorum nostrorum necnon capituli nostri Karl instrumentis concessionum et confirmationum prefatis religiosis super eisdem ecclesiis factis nos predecessorum nostrorum vestigiis inherere volentes memoratas cartas donationum et confirmationum patronorum dicte ecclesie de Lanrecost necnon instrumenta concessionum et confirmationum tam predecessorum nostrorum quam capituli nostri Karl quorum auctoritate ad proprietatem et possessionem earundem ecclesiarum prefati religiosi legitime pervenerunt que nos oculata fide perspeximus non cancellata non abolita nec in sui parte aliqua viciata veris sigillis et propriis consignata in presenti scripto duximus inserenda ac nostre collationis concessionis et confirmacionis adjectione roboranda pariter et juvanda Cartas quippe nobilis viri domini Roberti de Vall filii domini Huberti de Vall veri patroni dicte ecclesie de Lanrecost inspeximus in hec verba [] Item [] Cartam vero domine Aude Engayne inspeximus in hec verba [] Cartam domini Ricardi de Neuton inspeximus in hec verba [] Item literas concessionum et confirmationum predecessorum nostrorum bone memorie Bernardi Hugonis et Roberti inspeximus continentie infra scripte [] Item [] Item [] Literarum quidem concessionum et confirmationum capituli nostri Karl ratificans premissa inspeximus in hec verba [] Item [] Item [] Nos igitur predecessorum nostrorum vestigiis inherentes eo quidem in hac parte libentius quo domum dictorum religiosorum in communi transitu sitam crebro adventu magnatum liberali susceptione hospitum ac elemosinis pauperibus erogatis frequenter oneratam esse novimus et gravatam et quia de eisdem religiosis laudabile testimonium a fide dignis hactenus audivimus memoratam ecclesiam de Lanrecost cum capella de Treuerman cum omnibus juribus suis decimis maioribus et minoribus ac omnimodis suis pertinenciis in quorum possessione dicti religiosi fuerunt tempore conscriptionis presentis ecclesias de Walton de Yrthington de Brampton de Farlam de Leysingby et de Grenesdale prefatis religiosis quatenus possumus damus confirmamus concedimus et appropriamus in proprios usus perpetuis temporibus possidendas Donationes et concessiones et confirmationes dictis religiosis [de] ipsis ecclesiis in proprios usus perpetuo possidendis per patronos suos et predecessores nostros predictos nec non et per capitulum nostrum Karl factas ratas et firmas habentes ex certa sciencia confirmamus Et siquis defectus in aliqua predictarum donationum concessionum seu confirmationum fuerit illum et illos si plures fuerint habita super hoc deliberatione et tractatu cum consilio nostro diligenti quantum in nobis est caritatis intuitu auctoritate pontificali et ordinaria supplemus Salva tamen nobis et successoribus nostris in omnibus jurisdictione ordinaria et dioecesana in ecclesiis memoratis Et salvis portionibus vicariorum perpetuorum in ecclesiis superius nominatis Salva etiam portione vicarii perpetui in ecclesia parochiali de Leysingby cuius collatio ad nos et successores nostros dinoscitur pertinere In cuius rei testimonium presentem paginam sigilli nostri munimine duximus roborandam Datum apud Lynstok xiiii kal januarii anno Domini mcclxxx septimo et pontificatus nostri anno octavo