Charter Document - 00699220
| Charter Number: | 00699220 |
|---|---|
| Cartulary Title: | The Cartulary of Tutbury Priory |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1235 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Gregorius episcopus servus servorum dei dilectis filiis abbati et priori de Burton et decano de Repindon Coventr dioecesis salutem et apostolicam benediccionem Dilecti filii prior et conventus Tuttebur nobis conquerendo monstraverunt quod prior de Calewis et quidam alii Coventr et Lincoln dioecesium super possessionibus decimis debitis et rebus aliis injuriantur eidem Ideoque discrecioni vestre per apostolica scripta mandamus quatinus partibus convocatis audiatis causam et appellacione remota fine debito terminetis facientes quod decreveritis per censuram ecclesiasticam firmiter observari Testes autem qui fuerint nominati si se gracia odio vel timore subtraxerint per censuram eandem appellacione cessante cogatis veritati testimonium perhibere Quod si non omnes hiis exequendis potueritis interesse duo vestrum ea nihilominus exequantur Dat Perusii xiii kalendas Februarii pontificatus nostri anno octavo
Source (click image below to view full size)
