Charter Document - 00690220

Universis Christi fidelibus has litteras [visuris vel audituris] abbas[] et prior Burton[] et decanus de Repindon[] eternam in domino salutem Litteras domini pape in hec verba suscepimus [] Hujus siquidem auctoritate mandati vocari sollempniter fecimus R vicarium de Dubbrig[] partibus in presencia nostra constitutis porrecta fuit R dicto edicio sub hac forma Dicunt prior et conventus Tuttisbir[] quod R vicarius de Dubbrig[] injuste nititur ab eis extorquere decimas molendinorum et piscarie de Dubbrigg[] unde petunt quod a tali vexacione injusta desistat ad quod ex parte vicarii fuit responsum quod non injuste nititur extorquere sed juste intencionem suam contra dictos priorem et conventum proponendo per modum reconvencionis sub hac forma Dicit R vicarius de Dubbrig[] quod prior et conventus Tuttebur[] injuste detinent decimas provenientes de Waldeleye et de curto bosco et decimas provenientes de una acra prati infra holtum cum ad vicariam suam de jure pertineant Dicit eciam quod spoliarunt eum libera communa sua de Waldel[] [] communis et libertatibus quas in dicto holto habuit et decimis provenientibus de nova cultura Henrici de Deneston[] in campo de Brocton[] et libera communa sua de Hardeleya et de Grof super quibus omnibus petit sibi competenter satisfieri Ad quod ex parte dictorum prioris et conventus fuit responsum animo litem contestandi quod non injuste detinent decimas provenientes de Waldel[] et de curto bosco nec decimas provenientes de una acra prati infra holtum nec ad vicariam suam de jure pertinent Dicunt eciam quod [non] spoliaverunt eum libera communa sua de Waldel[] et de curto bosco nec ceteris communis nec libertatibus quas in dicto holto habuit nec decimis provenientibus de nova cultura Henrici de Deneston[] in campo de Brocton[] nec libera communa de Hardel[] et de Grof Lite vero ex utraque parte sic contestata probacionibus ex utraque parte admissis allegacionibus racionibus auditis et intellectis nec non et instrumentis monachorum diligenter inspectis ac cognitis auditis eciam utriusque partis confessionibus sentencialiter pronunciavimus dictos priorem et conventum nec spoliasse dictum R libera communa sua de Waldel[] nec de curto bosco Pronunciavimus eciam dictos priorem et conventum jus habere retinendi decimas molendinorum et piscarie de Dubbrig[] et decimas provenientes de Waldel[] et de curto bosco Pronunciavimus eciam dictos priorem et conventum jus habere retinendi decimas de una acra prati infra holtum super dictis decimis et dicta communa prefato vicario nomine vicarie sue de Dubbrig[] per sentenciam diffinitivam perpetuum silencium imponentes Pronunciavimus eciam dictum vicarium jus habere percipiendi decimas de essarto Henrici de Deneston[] in campo de Broctona easdem decimas per sentenciam diffinitivam eidem adjudicantes Et ut hec nostra sentencia robur firmitatis optineat inperpetuum huic presenti scripto signa nostra una cum signo R vicarii apposuimus sub pena prohibentes anathematis ne quis prior vel conventus Tuttesbir[] vel aliquis vicarius de Dubbrig[] contra hanc nostram sentenciam venire presumat potestate nobis et successoribus nostris inperpetuum reservata compellendi partes ad jam dicte sentencie observacionem