Charter Document - 00641131
| Charter Number: | 00641131 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Religious |
| Charter Type(s): | Promise |
| Date: | 1200 - 1221 |
| Date type: | Assigned |
| Resource Link(s): |
Reference Document for this Embedded Document |
Charter:
Sciant presentes et futuri quod ego [Robertus] archidiaconus Wiltshire rector ecclesie de Calne et ego Fulco Bassett rector ecclesie de Winterburn compromisimus in venerabilem patrem nostrum Ricardum Sarum episcopum super omnibus que coram viris venerabilibus de Syreburn et de Enedewell prioribus et domino Philippo de Luci judicibus a domino papa delegatis inter nos deducta erant in judicium tam super possessione quam super proprietate decimarum et obventionum ville de Berewich et capella ibidem erecte exceptis decimis de dominico Sub hac forma compromisimus in dictum episcopum videlicet quod facta coram eo litis contestatione sine subterfugio testibus utriusque partis tam super possessorio quam super petitorio diligenter examinatis et publicatis attestationibus quicquid dictus episcopus statuerit nos ratum habebimus et gratam Ita quod Fulco super possessorio [Robertus] archidiaconus super petitorio diligenter examinatis et publicatis attestationibus quicquid dictus episcopus super predictis statuerit nos proprium habebimus et gratum ita quod Fulco super possessorio [Robertus] archidiaconus super petitorio actor constituatur pars vero que ab arbitrio resiluerit xl marcas nomine pene parti adverse persolvet reservata judicibus de consensu nostro potestate compellendi per excommunicationis sententiam partem recedentem ad solutionem dicte pene reservata quoque judicibus potestate confirmandi quod fuit arbitratum et procedendi in causa cum pena fuerit commissa et soluta Et ad majorem compromissionis nostre firmitatem sigilla nostra huic scripto apposuimus Valete
Source (click image below to view full size)
