Charter Document - 00509177
| Charter Number: | 00509177 |
|---|---|
| Cartulary Title: | Historia et Cartularium Monasterii Sancti Petri Gloucestriae [Gloucester] |
| Charter Language: | Latin |
| Charter Origin: | Religious |
| Charter Type(s): | Grant, Confirmation |
| Date: | 1100 |
| Date type: | Internal, A.D., Calendar |
| Resource Link(s): |
Reference Document for this Embedded Document |
Charter:
Omnibus Sancte Matris ecclesie filiis hanc cartam nostram inspecturis vel audituris Gerardus Dei gratia Herefordensis episcopus salutem in Eo qui est Vera Salus animarum Universitati vestre notum facimus per presentes quod nos anno gratie millesimo centesimo idus Julii una cum venerabilibus fratribus nostris dominis Sampsone Wygorniensi Gundulfo Roffensi et Herveo Bangornensi coepiscopis dedicationi et consecrationi ecclesie Beatorum Apostolorum Petri et Pauli quam reverendus abbas Serlo in villa Gloucestrie construxerat nostram presentiam simul et ministerium cum omni qua potuimus exhibuisse devotione Et quia loci prefati conventus quam plures defectus ut in ornamentis ecclesie et aliis sibi necessariis patiebatur nos divine caritatis intuitu predicti conventus necessitatibus compatientes de consensu totius capituli nostri Herefordensis concessimus predictis abbati et conventui Gloucestrie et successoribus eorum has subscriptas ecclesias perpetuis temporibus habendas et in proprios usus convertendas ad suam et ecclesie sue perpetuam sustentationem videlicet ecclesiam de Chirchehamme cum capella de Bulleya et decimis et aliis pertinentiis suis ecclesiam de Prestone cum omnibus pertinentiis suis salva honestis capellanis qui in dictis ecclesiis ministrabunt rationabili sustentatione Concessimus etiam eisdem religiosis duas marcas annue pensionis de ecclesia Sancti Laurentii de Teyntone et etiam perceptione decimarum omnium terrarum suarum quas propriis laboribus vel sumptibus suis excoluerint in dyoecesi nostra videlicet maneriorum suorum de Hynehamme de Chirchehamme de Prestone de Bromptone de Hyda salvis rectori ecclesie de Harehulle annuatim duobus solidis et una summa frumenti de Rodlee salva rectori ecclesie de Westburia tertia garba decime proventus do dominicis terris de Rodleye de Ledene et etiam duas garbas totius decime hominum suorum de Ledene Concessimus etiam eisdem omnes decimas de omnibus dominicis terris domini de Ewyas sitis in parochia de Sancta Keyna et decimam cujusdam culture in Postone Preterea omnes ecclesias decimas terras et possessiones quas hactenus in nostra dioecesi sunt adepti eis auctoritate episcopali et unanimi capituli nostri consensu confirmamus perpetuis temporibus possidendas Et ut ea que premissa sunt futuris temporibus inconcussa permaneant presentem cartam tam sigillo nostro quam sigilli capituli nostri Herefordensis duximus roborandam Teste tota synodo nostra
Source (click image below to view full size)
