Charter Document - 00509121

Memorandum quod die Lune proxima post festum Sancti Eadmundi regis et martyris anno Domini millesimo ducentesimo octogesimo tertio nos officiarius venerabilis patris domni Bathoniensis et Wellensis episcopi invenientes magistrum Thomam dictum Stede rectorem ecclesie de Burenham dicte dyoecesis personaliter in civitate seu villa Wellensi presentem ipsum peremptorie citavimus viva voce quod compareat coram nobis in majori ecclesia Wellensi die Mercurii proxima post festum Sancti Andree Apostoli domnis abbati et conventui monasterii Sancti Petri Gloucestrie super quadam annua pensione decem librarum debita eisdem ab ecclesia de Burneham et ipsius rectoribus sicut dicunt responsurus et juri pariturus et eidem magistro Thome libellum super dicta pensione ex parte dictorum religiosorum oblatum tradidimus formam seu tenorem continentem inferius annotatum Dicunt et in jure proponunt coram nobis officiario venerabilis patris domni Bathonie et Wellensis episcopi abbas et conventus monasterii Beati Petri Gloucestrie sui et monasterii ac sui prioratus de Ewyas contra magistrum Thomam dictum Stede rectorem ecclesie de Burenham Bathoniensis et Wellensis dyoecesis et contra quemlibet legitimum procuratorem seu defensorem quod cum ipsi ab antiquo habuerunt possessionem vel quasi juris percipiendi quandam annuam pensionem x librarum argenti singulis annis a rectoribus prelibate ecclesie de Burenham qui pro tempore fuerit ratione ecclesie memorate quam tenuerant dicti rectores sibi et monasterio suo ac prioratui suo de Ewyas de jure et canonice debitam et tempore cujus memoria non existit ac etiam fuissent in possessione vel quasi juris percipiendi pacifice pensionem eandem dictus magister Thomas dictam pensionem a tempore admissionis beneficii antedicti retinuit et adhuc retinet minus juste ipsam pensionem indebite subtrahendo et solvere contradicendo ipsos religiosos dicta pensione perperam spoliando in sue salutis periculum et dictorum religiosorum prejudicium et damnum quod estimant sexaginta marcas sterlingorum nomine arreragiorum de tempore quo magister Thomas predictus ipsam ecclesiam de Burenham fuerat assecutus unde petunt dicti religiosi se et monasterium suum ac prioratum predictum in eundem statum percipiendi hujusmodi pensionem annuam de ecclesia de Burenham predicta reducendos esse sententialiter declarari et eosdem reduci et restitui ad perceptionem pensionis predicte ac ipsam pensionem et jus percipiendi eandem ad ipsos religiosos et monasterium eorundem ac prioratum suum de jure et canonice pertinere et eosdem ipsam pensionem annis singulis in posterum de jure percipere debere per nostram diffinitivam sententiam declarari et diffinitive pronunciari prefatumque rectorem nomine ecclesie sue antedicte ad ipsam ecclesiam ad solutionem seu prestationem annue pensionis predicte in futurum sine calumnia et integraliter faciendam sibi et monasterio suo ac prioratui suo predicto condemnari et compelli Petunt in omnibus sibi justitiam exhiberi Hec dicunt et proponunt et petunt divisim seu conjunctim juris beneficio in omnibus sibi salvo addendi mutandi et minuendi et declarandi Petiit pars dictorum religiosorum instanter quod dictus magister Thomas ad hujusmodi libellum super quo deliberavit ad plenum coram nobis in judicio responderet Prefatus vero magister Thomas habita deliberatione ad dictum libellum litem contestatus in hunc modum []