Charter Document - 00500121

Acta in majori ecclesia Wellensi die Mercurii proxima post festum Sancti Andree Apostoli anno Domini millesimo ducentesimo octogesimo tertio coram nobis officiario venerabilis patris domni Roberti Dei gratis Bathoniensis et Wellensis episcopi auctoritate ordinaria cognoscentibus in causa super quadam annua pensione x librarum mota inter religiosos viros abbatem et conventum monasterii Beati Petri Gloucestrie actores per fratrem Johannem de Helyun com monachum et procuratorem suum legitime constitutum comparentes a parte una et magistrum Thomam dictum Stede rectorem ecclesie de Burenham Bathoniensis et Wellensis dyoecesis reum personaliter comparentem ex altera videlicet cum inter partes predictas coram diversis judicibus auctoritate apostolica cognoscentibus orta fuisset materia questionis tam super ecclesia predicta de Burenham quam prefata annua pensione dictis religiosis et monasterio eorum ac prioratui suo de Ewyas a predicto magistro Thoma nomine predicte ecclesie sue debita ut dicebant predicte partes omnibus processibus habitis inter eas coram judicibus quibuscunque renunciarunt expresse et in nos tanquam in ordinarium ipsorum quo ad causam predictam consenserunt corporali super hoc hinc inde prestito juramento quod nostre starent dispositioni seu ordinationi quam in hac parte duxerimus proferendam volentes et concedentes quod nos de meritis dicte questionis et juribus partium cognosceremus summarie questionem seu causam fine debito terminaremus eandem Cumque constaret nobis prefatum magistrum Thomam ad dictos diem et locum per nos fuisse citatum peremptorie quod compareret ibidem responsurus dictis religiosis super annua pensione predicta et etiam eidem magistro libellum conventionalem a parte dictorum religiosorum oblatum et per nos sibi traditum extitisse prout in quodam memorando super hiis confecto liquide apparebat cujus tenor talia est [] Nos igitur inspectis et plenius intellectis dictis instrumentis originalibus pro jure dictorum religiosorum quantum ad pensionem predictam dilucide facientibus quibus adhibita fuerat plena fides audita etiam confessione dicti magistri Thome facta in judicio coram nobis ex hiis et aliis juris adminiculis de meritis et veritate questionis seu cause ipsius ac juribus partium plenius instructi de jure peritorum nobis assidentium consilio ad diffinitivam sententiam processimus in hunc modum In Dei nomine Amen Cum in recta statera judicii non quod dubium voluntatis arbitrium sed quod juris ratio pretendit sic attendendum ut sic justitia in judicium convertatur et lex libere reddat litigatoribus quod debetur intellectis cause meritis que vertebatur inter viros religiosos domnos abbatem et conventum Sancti Petri Gloucestrie petentes quandam annuam pensionem x librarum a magistro Thoma dicto Stede rectore ecclesie de Burneham Bathoniensis dioecesis nomine ipsius ecclesie do Burenham tanquam sibi et monasterio suo ac prioratui suo de Ewyas de jure debita et ad suam possessionem vel quasi juris percipiendi pensionem predictam ab ecclesia de Burenham premissa et reduci et jus suum in dicta pensione inposterum percipienda declarari per fratrem Johannem de Helyun com monachum et procuratorem eorum legitime constitutum actores comparentes ex parte una et magistrum Thomam dictum Stede rectorem ecclesie de Burenham predicte reum personaliter comparentem ex altera coram nobis officiarius predictus invenientes dictos religiosos suam intentionem quoad jus et possessionem percipiendi dictam pensionem per instrumenta exhibita coram nobis et confessionem partis ree et alia juris adminicula plene probasse dictos religiosos et monasterium eorundem ac prioratum suum de Ewyas supradictum ad statum percipiendi predictam annuam pensionem decem librarum de ecclesia de Burenham predicta per manum rectoris qui nunc est et aliorum qui erunt pro tempore in ipsa ecclesia reducendos declaramus et he nostra sententia reducimus et restituimus ad perceptionem ac ipsam pensionem et jus percipiendi eandem ad ipsos religiosos monasterium eorum et prioratum de Ewyas antedictum de jure pertinere ipsosque religiosos eandem pensionem annis singulis in posterum de jure percipere debere Similiter sententialiter declaramus et diffinitive pronunciamus prefatumque rectorem nomine suo et sue ecclesie antedicte ac ipsam ecclesiam ad solutionem seu prestationem annue pensionis predicte futuris temporibus dictis religiosis et monasterio ipsorum ac prioratui suo de Ewyas singulis annis in prioratu Sancti Jacobi Bristollie in festo Pasche et in octabis Omnium Sanctorum per equales portiones faciendam juxta formam et conscientiam dictorum instrumentorum et concessionum Savarici et Willelmi quondam Bathoniensis et Wellensis episcoporum quibus per hanc sententiam non intendimus derogare diffinitive in hiis scriptis condemnamus Datum et actum apud Wellas []