Charter Document - 00372087

Edwardus dei gracia rex Anglie et Francie et dominus Hibernie thesaurario et baronibus suis de scaccario salutem Cum in vltimo parliamento nostro extitit concordatum quod religiosi et alij viri ecclesiastici qui ad parliamentum nostrum apud Westmonasterium ad diem mercurij proximam post diem dominicam in medio quadragesime anno regni nostri Anglie quartodecimo tentum vbi prelati comites barones et communitas eiusdem regni nostri ad idem parliamentum summonati nonam garbarum nonum vellus et nonum agnorum nobis pro expedicione quorundam negociorum nostrorum in partibus transmarinis concesserunt summoniti non fuerunt nec huiusmodi nonam nobis concesserunt et qui decimas nobis per eos prius concessas de temporalibus spiritualibus suis annexis que ad decimam inter eadem spiritualia anno regni domini E quondam rex Anglie aui nostri vicesimo taxata fuerunt soluerunt de solucione none predicte pro predictis temporalibus suis sic ad decimam taxatis penitus exonerentur quidque de terris et tenementis per ipsos religiosos et alios viros ecclesiasticos post dictum annum vicesimum adquisitis eadem nona si leuetur ad opus nostrum per breue nostrum mandauerimus assessoribus et venditoribus none predicte in comitatu Buk quod demande quam dilecto nobis in Christo priori de Luffelde qui ad parliamentum nostrum dicto die mercurij tentum personaliter summonitus non fuit sicut per inspeccionem rotulorum cancellarie nostre nobis constat pro dicta noua nona garbarum vellerum agnorum pro temporalibus spiritualibus suis annexis que ad decimam inter eadem spiritualia dicto anno vicesimo taxata fuerunt nobis soluend fecerunt supersederent omnino et quod si quid a prefato priore pro dicta nona leuasset id ei restitui facerent indilate Ira quod eadem nona de terris et tenementis per ipsum priorem vel predecessores suos post dictum annum vicesimo adquisitis eadem nona leuetur ad opus nostrum iuxta concordiam supradictam ac iam ex parte prefati prioris accepimus quod licet dicti venditores demande quam eidem priori pro nona predicta de temporalibus suis predictis nobis prestand fecerunt omniuo supersedissent virtute mandati nostri supradicti vos nichilominus ipsum priorem ad huiusmodi nonam de dictis temporalibus suis que ad decimam inter eadem spiritualia dicto anno vicesimo taxata fuerunt ad opus nostrum soluend per summonicionem scaccarij predicti grauiter distringi et inquietari facitis minus iuste in ipsius prioris dispendium non modicum et grauamen Super quo nobis supplicant sibi per nos remedium adhiberi Nos volentes ipsum priorem in hac parte indebite onerari vobis mandamus quod viso mandato nostro predicto si vobis constiterit per nos taliter demandatum fuisse tunc exaccionem quam prefato priori pro dicta nona de temporalibus suis predictis sic ad decimam inter spiritualia dicto anno vicesimo taxata soluend per summonicionem scaccarij predicti fieri facitis ad opus nostrum supersederi et ipsum inde ad idem scaccarium exonerari et quietum esse faciatis Et districcionem si qua ei ea occasione facta fuerint sine dilacione relaxari faciatis eidem Prouisa quod nona predicta de terris et tenementis si que per ipsum priorem vel predecessores suos post dictum annum vicesimum adquisita fuerunt si nondum leuata fuerit ad opus nostrum leuetur iuxta concordiam supradictam Teste me ipso apud Eastry xxvj die Septembris anno regni nostri Anglie sextodecimo regni uero Francie tercio