Charter Document - 00159098
| Charter Number: | 00159098 |
|---|---|
| Cartulary Title: | Eye Priory Cartulary and Charters |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1255 |
| Date type: | Internal, Calendar, Papal |
| Resource Link(s): |
|
Charter:
Alexander episcopus servus servorum Dei dilecto filio priori de Burencestr Linc[olniensis] dioecesis salutem et apostolicam benedictionem Dilecti filii prior et conventus monasterii de Eya ordinis Sancti Benedicti Norwic[ensis] dioecesis sua nobis petitione monstrarunt quod tam ipsi quam predecessores eorum quasdam decimas terras possessiones maneria redditus et alia bona ipsius monasterii datis super hoc litteris iuramentis interpositis renuntiationibus factis et penis adiectis in enormem eiusdem monasterii lesionem quibusdam clericis et laicis aliquibus ad vitam non nullis vero perpetuo et aliis ad non modicum tempus ad firmam vel sub censu annuo concesserunt quorum aliqui super hiis confirmationis litteras in forma communi a sede apostolica impetrarunt quare dicti prior et conventus humiliter nobis supplicaverunt quatinus super hoc ipsis providere curaremus Ideoque discretioni tua per apostolica scripta mandamus quatinus eaque de bonis predicti monasterii per concessiones huiusmodi alienata inveneris illicite vel distracta predictis litteris iuramentis renuntiationibus penis et confirmationibus nequaquam obstantibus ad ius et proprietatem eiusdem monasterii studeas legitime revocare Contradictores per censuram ecclesiasticam apellatione postposita compescendo Testes autem qui fuerint nominati si se gratia odio vel timore subtraxerint censura simili appellatione cessante compellas veritati testimonium perhibere Dat Anagn[ie] ii kal Augusti pontificatus nostri anno primo
Source (click image below to view full size)
