Charter Document - 00150098

Omnibus Christi fidelibus ad quos presens scriptum pervenerit frater Willelmus prior Sancte Trinitatis et Ricardus decanus de Gipewic a domino priore de Berencestr sedis apostolice delegato commissarii constituti salutem in Domino Cum inter priorem et conventum de Eya ex una parte et priorem et canonicos de Wudebregg ex altera questio suborta esset coram nobis per apostolica scripta a domino priore de Burencestr nobis directa sub hac forma [] Demum dicti prior et conventus de Eya talem intentionem preposuerunt Dicunt prior et conventus de Eya contra priorem et canonicos de Wudebregg quod decimas provenientes de loco qui vocatur Bircholt et Northale in Huntereswich in villa de Stradebroc ad eos de iure spectantes iniuste percipiunt seu percipi faciunt unde petunt ipsos ab iniusta perceptione dictarum decimarum desistere compelli et dictas decimas ad ius et proprietatem eorum monasterii secundum tenorem mandati apostolici concessione sive collatione ab eisdem vel eorum antecessoribus dictis priori et canonicos de Wudebregg si qua fuerit facta nequaquam obstante adiudicari Hec dicunt et petunt salvo sibi iure addendi mutandi [] Tandem legittime lite super premissis coram nobis contestata memorati prior et conventus de Eya in iure constituti inspectis cartis Ernaldi Ruffi quondam patroni de Wudebregg cum confirmationibus domini Norwic[ensis] episcopi et capituli Norwic[ensis] monasterii etiam cum confirmationibus prioris et conventus de Eya antecessorum suorum de prescriptis decimis ecclesie de Wudebregg licite et legitime factis prescriptionem longissimi temporis considerantes habito discretorum virorum consilio dictas decimas ad ecclesiam et prioratum de Wudebregg in iudicio manifeste confessi sunt et recognoverunt de iure pertinere salva dimidia marca annuatim quam dicti prior et conventus de Eya recipere debent de predicta ecclesia de Wudebregg pro predictis decimis inperpetuum sicut prius fecerunt scilicet ad synodum Paschalem xl denarios et ad synodum Sancti Michaelis aput Gipewic xl denarios Nos autem audito illorum confessione plenariam et pristinam possessionem dictarum decimarum cum omnibus proventibus dictis decimis contingentibus dicte ecclesie de Wudebregg auctoritate nobis commissa sententialiter et diffinitive adiudicavimus salva tamen dimidia marca prout predictum est quam dicti prior et conventus de Eya recipere debent annuatim ad duas synodos de Gipewic per manum prioris de Wudebregg pro predictis decimis Dicti autem prior et conventus de Eya liti ab eis orte cedentes et questionem penitus renuntiantes dictas decimas cum omnibus preventionibus suis annuis dictis priori et canonicis de Wudebregg et successoribus suis pro se et eorum successoribus resignarunt remiserunt et omnino quieta clamaverunt renuntiantes in omnibus omni iuris remedio canonici et civilis nove constitutionis beneficio apostolicis litteris cuiuscumque indulgentie et aliis contra hoc scriptum modo quolibet impetratis at impetrandis constitutioni de duobus dictis concilii generali et omni exceptioni et rei que posset obici contra hoc scriptum vel factum ut autem hec nostra sententia diffinitiva necnon prioris et conventus de Eya remissio et quieta clamatio necnon dictorum prioris et canonicorum de Wudebregg de dimidia marca dictis priori et conventui de Eya annuatim solvenda prout predictum est recognitio firmam stabilitatem optineant inperpetuum presens instrumentum a nobis concessum sigillorum nostrorum inpressione corroboravimus una cum sigill[is] de Eya et Wodebrygge in preteriorum Dat aput Gipewic die lune proxima ante festum Sancti Thome apostoli anno Domini mccl septimo Hiis testibus domino Egidio archidiacono Norhant magistro W[illelmo] de Duntun archidiacono Suff domino N[icholao] priore Sancti Petri de Gipewic domino J[ohanne] priore de Snap domino R priore de Alnesburn magistris G de Hemingtun N[icholao] de Kenet J de Byldest J de Blofeld M de Satesham J Corn de Bof et aliis