Charter Document - 99909249
| Charter Number: | 99909249 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1359 |
| Date type: | Internal, Calendar, Regnal |
| Resource Link(s): |
|
Charter:
Edwardus Dei gracia Rex Anglie et Francie et Dominus Hibernie omnibus ad quos presentes littere pervenerint salutem Sciatis quod cum per litteras nostras patentes de gracia nostra speciali concesserimus et licenciam dederimus pro nobis et heredibus nostris quantum in nobis est dilectis nobis in Christo priori et Fratribus hospitalis Sancti Iohannis Ierusalem in Anglia quod ipsi viginti libratas terrarum tenementorum et reddituum cum pertinenciis tam de feodo suo proprio quam alieno exceptis terris tenementis et redditibus que de nobis tenentur in capite adquirere possunt habend[] et tenend[] sibi et successoribus suis pro certis cantariis pro animabus progenitorum nostrorum quondam regum Anglie ac omnium benefactorum hospitalis predicti Faciendo inde sustentando imperpetuum statuto de terris et tenementis ad manum mortuam non ponendo edito non obstante prout in litteris nostris predictis plenius continetur Nos volentes concessionem nostram predictam effectum debito mancipari concessimus et licenciam dedimus pro nobis et heredibus nostris quantum in nobis est Rogero de Bondon Magistro Roberto de Stokes et Iohanni de Wroxton quod ipsi quadraginta acras terre quatuor acras prati et sex solidatas et octo denaratas redditus cum pertinenciis in Kyngesbury et Hendon que de nobis non tenentur et que quidem terra et pratum valent per annum in omnibus exitibus iuxta verum valorem eorundem nonum solidos et quatuor denarios sicut per inquisicionem inde per dilectum nobis Willelmum de Hacton escaetorem nostrum in comitatu Midd[] de mandato nostro factam et in cancellaria nostra retorn[] est compertum dare possint et assignare prefatis priori et Fratribus habend[] sibi et successoribus suis imperpetuum in valorem viginti solidorum in partem satisfaccionis viginti libratarum terrarum tenementorum et reddituum predictorum Et eisdem priori et Fratribus quod ipsi terram pratum et redditum predicta cum pertinenciis a prefatis Rogero Roberto et Iohanne recipere et tenere possint sibi et successoribus suis predictis sicut predictum est tenore presencium similiter licenciam dedimus specialem statuto predicto non obstante Nolentes quod predicti Rogerus Robertus et Iohannes vel heredes sui aut prefati prior et Fratres seu successores sui ratione statuti predicti per nos vel heredes nostros inde occo nentur in aliquo seu graventur salvis tamen capitalibus dominis feodi illius serviciis inde debitis et consuetis In cuius rei testimonium has litteras nostras fieri fecimus patentes teste meipso apud Westmonasterium quarto die Februarii anno regni nostri Anglie tricesimo tercio regni vero nostri Francie vicesimo primo